A Mariña, 25 de febreiro, 2021. Somos máis de 60, as mulleres que estamos impulsando, e dándolle forma ao 8 de marzo nos Concellos de Cervo, Foz, Burela, O Valadouro, Barreiros e Ribadeo.
O eixo que priorizamos o pasado ano revelouse como irrrefutábel: As nosas reivindicacións son máis urxentes que nunca e é por iso que decidimos insistir neste ano que SEN COIDADOS NON HAI VIDA. Mulleres en Folga: Esenciais, Precarizadas e Fartas
Desde o mes de xaneiro son moitas as xuntanzas, os debates e as actividades postas en marcha:
– Nos Concellos de Cervo, Valadouro e Burela estase creando material audiovisual: vídeos de maior ou menor tamaño con testemuñas de mulleres/lemas creados por elas que conteñen experiencias propias: os seus dereitos aforcados, as súas vidas sobrecargadas, as razóns que as moven para reivindicar unhas vidas nas que a desigualdade non sexa a música de fondo. Material que está feito desde o AMOR pola VIDA e a INDIGNACIÓN pola desigualdade.
Cervo: Doble actividade en San Cibrao Manifestación que partirá ás 12:00 da Praza da Casa da Cultura ata a zona do IES e volta ao mesmo punto de saída
Ás 20:00 acto na Praza da Casa da Cultura.
Valadouro: Concentración na praza de Sta María ás 19:00 (disporán dun tendal para que as mulleres que non poden parar ese día colguen alí o seu mandil)
Burela: Concentración ás 20:00 na Praza do Concello (a praza ambientarase con mandís e lemas).
No Concello de Barreiros, tamén optaron por o formato audiovisual, neste caso un video teaser (recurso de corta duración que busca manter a intriga no que irán desvelando o traballo previo). Este vídeo publicarase nas redes sociais a semana previa ao 8M. Buscan animar á veciñanza a apoiar as súas demandas no acto reivindicativo que terá lugar na Praza do Concello ás 20:00
No Concello de Ribadeo, as actividades encamiñáronse hacia a pedagoxía feminista:
A elaboración dunha muiñeira feminista ca colaboración de mulleres de Chantada e actividades para que o alumnado dos colexios e institutos reflexionara sobre o ICEBERG dos COIDADOS e o AMOR DO BÓ.
Chapas e mandís con lemas farán visibles as súas reivindicacións: A VIDA HUMANA NON SE PODE SOSTER SEN O TRABALLO DE COIDADOS…
Chaman ás mulleres a apoiar a manifestación que partirá ás 18:00 do aparcamento de camións próximo ao I.E.S Dionisio Gamallo e atravesando Avda de Galicia e Avda de Asturias chegará ao Concello onde darán lectura a un manifesto.
No Concello de Foz as ondas de radio recollerán testemuñas de mulleres que están, que están SEMPRE, porque os seus traballos son esenciais: mulleres caixeiras, mulleres enfermeiras, mulleres coidadoras non profesionais…
Tamén darán voz ás mulleres inmigrantes, e así poñer sobre a mesa a doble opresión, a doble inxustiza que atravesa a unha persoa: por muller e por inmigrante.
Porque o 8M é PARA TODAS e POR TODAS.
As árbores e as farolas da vila lucirán feminismo, recordarannos que a desigualdade e o machismo tamén son pandemias.
Concentración ás 12:00 na Avda. da Mariña.
Queremos facer un chamamento-convite para que todas as fiestras e todos os balcóns das vilas luzan, presuman e reivindiquen a través do símbolo principal dos traballos feminizados: mandís, batas de traballo, uniformes… así, servirán tamén para que,aquelas que non poden/queren ocupar o espazo público, se fagan ouvir.
Alentamos a todas as mulleres a acudir ás mobilizacións e encher as rúas de reivindicacións feministas, organizarémonos en columnas, tendo moi presente o uso da máscara.
Pedimos que se respeten os espazos non mixtos de mulleres na cabeza das manifestacións e concentracións (Os homes que queiran apoiar a causa deben facelo desde un lugar secundario, nunca protagonizando).
Consideramos imprescindíbel a mobilización na rúa e que as reivindicacións do feminismo sexan desde XA prioritarias á hora de afrontar a actual realidade social, e esixir tamén que a VIDA se coloque no centro.
Encheremos o espazo público cunha resposta clara e necesaria, estamos cheas de razóns para non quedar na casa.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
