Ribadeo, 26 de febreiro de 2021. Acisa fai un chamamento especial á cidadanía para que nesta nova etapa de desescalada sexa especialmente responsable. As normas son moi claras e os camareiros e comerciantes non son policías “debemos entre todos ser responsables, xogámonos moito de aquí a Semana Santa”, indican desde a Asociación de Comerciantes, Industriais, Servizos e Autónomos de Ribadeo.
Francisco Iriarte, presidente da patronal ribadense, cre que “o meu deber é ser moi claro tanto cos veciños como cos negocios da vila sexan socios ou non. Estamos nun momento critico, un paso en falso, é dicir poucos positivos en poucos días pódenos levar á situación da que acabamos de saír. Sexamos prudentes e rigorosos á hora de cumprir as normas. Se un bar ten cheo o aforo, vai a outro e volve despois a ese. E no tócante aos negocios, ata o de agora a gran maioría foi responsable, sigamos así. Cumpramos as medidas de distancia de mesas, o peche das barras e os aforos, xa se nos avisou de que se van facer inspeccións, polo que aínda solo sexa polo dano ao peto sexamos escrupulosos neste asunto. O aviso da Xunta foi claro tan pronto como se abre se pecha, e non podemos xogárnola de cara nin á Semana Santa nin moitísimo menos ao verán. Temos a obriga de chegar á época estival co máximo de capacidade de traballo que nos deixen e coas mínimas restricións, e iso solo esta nas mans dos clientes e dos negocios e por suposto de portas para dentro en cada casa”.
Jesús Pérez, xerente de Acisa, indicou que “dende Acisa queremos axudar á hostalería neste momento de reapertura, os camareiros e os comerciantes non son policías, e é moi desagradable ter que dicirlle a clientes habituais que non poden entrar porque o aforo esta cheo, por iso dende Acisa poñeremos en marcha a campaña Non me comprometas co fin de concienciar á cidadanía. O resumen da campaña seria se non podes tomar algo nun bar porque ten o aforo completo, tómao noutro e volve cando o primeiro teña o aforo libre. Así estaremos axudando aos hostaleiros. Desde Acisa levamos desde onte tentando axudarlles e explicándolle ao sector o Plan de Hostalería Segura da Xunta de Galicia. Tamén estamos a traballar na mellora e ampliación da marca Ribadeo Seguro, un signo de distinción dos establecementos da nosa asociación. É o momento de recordarlle á cidadanía que ir a un bar ou a un restaurante é mais seguro que xuntarse nunha casa. E isto vale tanto para xoves como para adultos, nin as casas nin os parques son bares nin son sitios seguros, porque neles reláxaste e incumpres todas as normas. Agora bares e restaurantes están abertos, aí é onde mais seguro vamos estar”.
O xerente da asociación ribadense dixo que “estamos a traballar no reforzo da marca Ribadeo Seguro, como un selo de calidade e seguridade para os nosos establecementos, que incluirá novo reparto de material. Estamos analizando as campañas que se poderán desenvolver nos vindeiros meses e que dependerá da evolución da situación sanitaria que estamos a vivir”.
Iriarte Quintana subliñou: “gustaríame destacar que desde Acisa informamos a diario aos nosos socios e socias de todos os cambios que se producen nas normativas, con resumes do DOG, etc. Consideramos que este é un bo momento para asociarse ao noso colectivo. Hai tanta información, tantos cambios que é imposible que unha persoa, que un negocio en solitario poida estar ao tanto de todo. Nós facemos eses traballo por e para eles”.
O presidente de Acisa engadiu que “tamén comezaremos a vindeira semana cun proceso de melloras internas en Acisa, entre elas a de renovación e actualización da base de datos, que leva demasiados anos sen actualizarse. Ademais a partir de o luns, 1 de marzo, a oficina de Acisa recupera a normalidade, volve a atención presencial de luns a veres de 10:00 a 14:00 e de 17:00 a 20:00 axustando mellor o horario de oficina ao comercial”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
