Burela, 5 de febreiro de 2021. AICA Burela atópase dende hai case un ano coa directiva en funcións. Por parte da asociación maniféstase a necesidade de reverter esta situación. Os establecementos locais da vila necesitan novas ideas, perspectivas e ilusións, máis, neste momento coa difícil situación que está a provocar a COVID-19. O comercio local de Burela conta cunha asociación, que non deixou de medrar en canto a socios nestes meses de pandemia, e precisa dunha nova directiva que o apoie e impulse con accións e actividades que axuden a promocionar a compra e o consumo nos establecementos de proximidade. En torno a este tema, está previsto que, en canto a situación e as medidas de prevención da COVID o permitan, se celebre unha nova asemblea na que renovar a directiva da ACIA Burela.
Ademáis, a asociación, durante o primeiro trimestre deste ano non cobrará a cota do socio. Unha medida máis dentro do obxectivo de apoiar aos nosos comerciantes.
Noutro orden de cousas, a Directiva en funcións púxose en contacto co Alcalde da Vila, Alfredo Llano, xa que hai moitas protestas do tecido empresarial xa que non foron aboadas as axudas que están presentadas dende o mes de setembro. O rexidor local contestou que entende o enfado xeral; están a comezar a aboar as que teñan o papeleo en regra e que o problema e a normativa e que dependan de outros as resolucións finais. Dende a asociación só esperamos que se axilicen tódolos procesos na medida do posible, xa que as axudas son moi necesarias nestes momentos duros e de peche para moitos de nos.
Para rematar, apelamos á responsabilidade individual nestes tempos tan complicados por mor do aumento de contaxios que provocaron, por cuarta vez na nosa vila, o peche perimetral. Non obstante, os establecementos de Burela contan con todas as medidas de prevención e hixiénicas para facer deles un comercio local seguro, no que o risco de contaxios sexa mínimo. Ademais, en caso de que algunha persoa que resida nos concellos limítrofes precise algún produto das nosas tendas, moitas delas contan con servizo de reparto a domicilio, para facilitar as compras. Agora, máis que nunca, precisamos que a veciñanza apoie o noso comercio porque esta é a única maneira de seguir MEDRANDO XUNTOS.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
