Lugo, 22 de febreiro de 2021. A Consellería de Emprego e Igualdade convocará mañá no Diario Oficial de Galicia unha nova liña de axudas ao abeiro do segundo Plan de rescate posto en marcha para paliar as consecuencias económicas da crise da covid-19. Este programa está dirixido expresamente ao sector da hostalaría e outras actividades pechadas polas medidas sanitarias (ximnasios, parques infantís, feirantes…).
O delegado territorial de Lugo, Javier Arias, explicou hoxe os detalles nunha xornada telemática sobre a materia na que participaron medio cento de empresarios lucenses pertencentes aos sectores máis afectados, representantes das asociacións de empresarios da hostalería e de ximnasios, da Confederación de Empresarios de Lugo, a Federación de Comercio e os Colexios Profesionais de Economistas e de Xestores Administrativos.
Arias explicou que esta segunda liña de axudas completará a activación do segundo Plan de rescate, logo de que o pasado xoves se convocasen de forma conxunta os programas de apoios para traballadores autónomos e microempresas. Dado que son compatibles entre si, a contía máxima a percibir polos negocios nesta edición do plan poderá elevarse ata os 15.700 euros.
A convocatoria está dotada con 15 millóns de euros; deste total, 12 millóns de euros serán para a hostalería e os 3 millóns restantes para empresas doutros sectores que viron interrompida temporalmente a súa actividade. Trátase en todos os casos de axudas directas e automáticas para todos aqueles que cumpran os requisitos, con importes que oscilan entre os 1.900 e 2.700 euros segundo o período de tempo que leven pechados. Incrementaranse en 1.000 euros para as empresas con 10 ou máis traballadores.
Ademais de ampliar os sectores que poden acollerse ás achegas para as actividades máis prexudicadas, destaca como novidade que excepcionalmente poderá eximirse aos interesados do requisito de estar ao corrente das obrigas tributarias no momento de formalizar a solicitude.
O delegado subliñou que no primeiro Plan de rescate concedéronse 3.811 axudas na provincia de Lugo por un importe total de 8.238.150 euros. En concreto, a hostalería lucense sumou preto de 4,3 millóns de euros para os 1.420 empresarios que se acolleron a algún dos tres programas contemplados: a liña específica para o sector e as xerais para autónomos e microempresas.
No que respecta á primeira, convocada expresamente para a hostalería, outorgáronse en Lugo 661 achegas por importe de 902.750 euros; arredor do 60% (388 axudas e 571.600 euros) distribuíronse na capital.
Arias lembrou que a tramitación dos novos apoios realizarase unha vez máis de xeito áxil, con pouca burocracia, o que permitirá que os primeiros pagos cheguen en cuestión de días, antes incluso de que remate o prazo de solicitude, como ocorreu co primeiro plan.
Para resolver calquera dúbida sobre este programa de axudas e outros plans da Consellería de Emprego e Igualdade, está activa a aplicación móbil (app) Gohu, a liña de teléfono 900 815 600 e a conta de correo electrónico hola@gohu.es. As ligazóns para descargar as app, tanto para teléfonos con sistema operativo iOS como Android, están dispoñibles na páxina web de Gohu.
Ademais, as bases da convocatoria poden consultarse a través da web do departamento autonómico: https://empregoeigualdade.xunta.gal/axudas-subvencions/plan-de-rescate.
Maior dotación orzamentaria
Pola súa banda, o DOG publica hoxe o incremento orzamentario das achegas para a instalación, reforma e adaptación das terrazas dos establecementos de hostalaría e restauración, e a adquisición de elementos de envasado e empaquetado para o servizo de consumo no domicilio.
Estas axudas, que tramita a Vicepresidencia segunda e Consellería de Economía, Empresa e Innovación a través do Igape, convócanse tamén en réxime de concorrencia non competitiva -igual que as do Plan de rescate-, o que significa que se conceden a todos os solicitantes que cumpren os requisitos en tanto exista crédito suficiente. Por elo, elévase a contía de 3 millóns a 7 millóns de euros para poder atender o máximo número de solicitudes posibles.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
