Foz, 11 de febreiro de 2021. O Concello de Foz está a ultimar os preparativos para a celebración deste Entroido diferente, que terá revista, vídeo conmemorativo, baile do farolillo nas casas e concurso de customización de mascarillas.
A concelleira de Cultura, Inés López Couto, explica que “este ano 2021 conmemoraríase o 40 aniversario desta festa, pero debido ás circunstancias sanitarias deberá atrasarse. Polo que se organiza a edición especial do XXXIX e ¾ Entroido de Foz. Un pobo cunha tradición de tantos anos entroideiros non pode deixar de facer pequenas actividades dentro das posibilidades e co máximo respecto ás medidas anti-COVID. Por iso dende a Delegación de Cultura lévase tempo traballando en varias ideas que tentarán animar as casas das familias focegas e aqueloutras que queiran unirse á festa virtual”.
Inés López especifica que “o primeiro paso foi engalanar os comercios cos traxes de moitos dos grupos que levan anos participando no Entroido. O Concello quere mostrar o seu agradecemento e a boa acollida da idea por parte de todos os comercios. Pero non podía quedar so aí, por iso pronto se poderá gozar da revista do Entroido, que mañá, venres 12, estará a disposición de todos aqueles que queiran. Poderase conseguir na Delegación de Cultura do Concello ou nos comercios de Foz, ademais da versión dixital, que estará dispoñible na web municipal”.
A edil de Cultura destaca que “para o día grande do Entroido focego, o sábado do desfile, que é o día 13, está programado un vídeo conmemorativo, que foi realizado grazas á colaboración de todos os grupos e que conterá imaxes novas, con mensaxes dos diferentes participantes e recordos de anteriores momentos do desfile, cea de coroación, etcétera. Ás 17 horas comezará a emisión na páxina do Youtube municipal e será tamén acompañada despois da programación doutros vídeos”. E agradece a “colaboración e a boa disposición de todos os grupos a aportar o seu gran de área para entre todos seguir demostrando que o Entroido de Foz se vive sempre”.
López Couto engade que “mañá, venres 12, ás 20.30 horas emitirase no mesmo Youtube un vídeo que podería ser a edición das coplas en versión do grupo Pé do Molete: Al flojo vivo. Así mesmo quere recordarse o baile do farolillo, moi tradicional en Foz. O Concello pon a disposición os farolillos de quen queira participar neste Baile do Farolillo at home; poderanse recoller ata o vindeiro luns, día 15, no despacho de Cultura. Anímamos á xente a subir o seu vídeo ás redes sociais co hashtag #farolillofoz. Outro dos eventos que se levará a cabo será o Concurso de Customización de Mascar-illa. A mascarilla é, nestes días, o noso elemento de protección e no Entroido a máscara é un elemento representativo de ocultación e disfrace. Imos unir as dúas definicións e facer algo divertido. Pedimos que non se usen mascarillas cirúrxicas ou hixiénicas senón que se fagan de tela, papel ou calquera outro elemento. Se queres saír á rúa co teu deseño pono por encima dunha de protección. Haberá de prazo ata o día 15 para enviar unha foto ao mail concurso@concellodefoz.es, incluíndo os teus datos persoais (nome, idade, telefono). O martes de Entroido comunicarase os agasallados (infantil e adulto). Así mesmo está lista a exposición do Entroido no CENIMA, que, se as medidas sanitarias o permiten, abrirá ás súas portas o día 18 e estará ata o 28 de febreiro”.
“Dende o Concello desexámosvos a todos un feliz Entroido na casa, pensando xa no vindeiro ano, que o mellor está por vir! Isto é Foz e aquí hai Carnaval sempre!”, remata a concelleira de Cultura.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
