Lugo, 23 de febreiro de 2021. A Deputación de Lugo reclamará á Xunta de Galicia que incremente a financiación para o Servizo de Axuda no Fogar (SAF) logo de levar dez anos destinando os mesmos recursos. Así o acordou este martes o Pleno provincial coa aprobación dunha moción socialista que contou co apoio do BNG e abstención do PP, que pretende reforzar un dos piares do estado de Benestar na provincia. Na sesión plenaria celebrada esta mañá de maneira telemática saíu adiante tamén unha moción do PSdeG reclamando un novo modelo eólico.
Respecto do SAF, o acordo chegou logo da moción do PSdeG que defendeu o Deputado Pablo Rivera. O responsable provincial da área de Promoción Económica e Social lembrou que este servizo ten por obxecto previr e atender situacións de necesidade prestando apoio de carácter doméstico, social, educativo, rehabilitador ou técnico e acusou ao Goberno autonómico de “mala praxe” por traspasar a responsabilidade aos Concellos sen axudarlles coa financiación.
“Basta xa de cargar ós concellos e ós veciños con responsabilidades e custos que non lles corresponden”, denunciou Rivera, que lamentou que a Xunta de Galicia manteña conxelado, dende fai dez anos, o financiamento do SAF. O Deputado socialista reprochou que o Goberno autonómico, cun orzamento de 11.563M€ destine 9,70 euros por hora para este servizo que ten un custe real de entre 18 e 22€, sendo os concellos e as persoas os que asumen ese desfase. Defendeu o responsable de Promoción Económica e Social que, cun presuposto de só 92,5M€, a Deputación de Lugo dedica ao SAF case 12€/hora nos Orzamentos 2021.
Pablo Rivera explicou que as competencias en materia de Servicios Sociais están atribuídas á Xunta, e que o seu traspaso ás entidades locais, segundo recolle a Lei, “deberá ir acompañada da transferencia dos medios económicos, materiais e persoais que resulten necesarios para o seu adecuado exercicio”. Citou o responsable de Promoción Económica e Social que segundo o informe da FEGAMP sobre as repercusións da Covid-19 nos servizos sociais galegos, a pandemia veu sobrecargar aínda máis as arcas locais e que os concellos galegos recibiron, só na primeira ola, 17.317 solicitudes de novos usuarios de servizos sociais ou novas demandas de axudas.
Modelo eólico
A Corporación Provincial acordou tamén que a Deputación de Lugo defenda a necesidade dun novo modelo eólico. A institución reclamará á Xunta que modernice o ordenamento do sector conxugando o respecto medioambiental co desenvolvemento enerxético e a creación dunha oficina de asesoramento técnico, administrativo e medioambiental para concellos e comunidades afectadas por procesos de desenvolvemento de actividade eólica no seu territorio.
O Deputado Pablo Rivera sostivo que Galicia coñeceu un forte desenvolvemento da enerxía eólica ata o 2008 grazas ao marco regulador que favorecía o seu aproveitamento e a aposta dos gobernos progresistas polas enerxías renovables, pero que con Feijóo na Xunta, “entre os anos 2009 e 2018, só se instalaron en Galicia 277Mw de potencia eólica” por falta de plan industrial.
“Aos propietarios dos terreos non se lles ofrece información ou asesoramento como alternativas á expropiación nin ás eólicas se lles ofreceu marco regulador axeitado nin planificación”, lamentou Rivera, que reprochou que estas carencias derivan en que moitos dos parques acaben instalados en territorios de Rede Natura, provocando que colectivos ecoloxistas se manifesten contra unha enerxía renovable. Tamén expuxo o socialista que os concellos que albergan os parques reciben unha porcentaxe mínima dos beneficios xerados, porque a Xunta “incumpre a súa propia lexislación sobre o canon e o Fondo de Compensación Ambiental”.
Recordo do Presidente ao 23F
Ao inicio do Pleno deste martes, o Presidente da Deputación de Lugo, José Tomé Roca, fixo alusión á conmemoración no día de hoxe dos 40 anos da intentona golpista do 23F: “Celebrar un Pleno provincial é sempre unha pequena celebración da normalidade democrática. É o xeito de levar a cabo o mandato que cada un de nós ten encomendado polos veciños e veciñas, que elixiron libremente nas urnas aos seus representantes municipais. Así que, vanme permitir que hoxe, que é 23F, lles saúde dun xeito especialmente cordial e que lles invite a que renovemos o noso compromiso coa democracia. Unha democracia que resistiu hai 40 anos un feroz ataque frontal, e que temos a obriga de reforzar cada día co noso traballo cotián”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
