Foz, a 08 de xaneiro de 2021. O partido Popular denuncia a parálise administrativa que vive o Concello de Foz como consecuencia da falta de xestión e da ineficacia do equipo de goberno, do bipartito PSOE-BNG comandado polo alcalde socialista Francisco Cajoto.
O portavoz popular en Foz, Javier Castiñeira, tamén portavoz provincial do PP, sinala: “Son varios os servizos afectados pola caducidade dos contratos. Un deles é o de abastecemento de auga e depuración, que leva varios anos caducado; o anterior equipo de goberno tiña avanzado un acordo plenario entre Foz Plataforma de Futuro e o PP, que, a día de hoxe, está abandonado e ninguén sabe como están os trámites se é que hai algún. O mesmo pasa con dúas prazas de Policía Local, que levan ano e medio vacantes”.
Castiñeira sinala “outro exemplo clarísimo da falta de xestión” que denuncia: o orzamento municipal para o ano en curso, “que está sen aprobar, pese a que será un ano moi importante para a saída da crise”.
Con todo, o máis grave para o Partido Popular “é o caso do servizo de axuda no fogar, que é un servizo fundamental”. O portavoz popular explica: “A día de hoxe, o goberno municipal dispón de 4.600 horas ao mes, o que permite atender a cen usuarios aproximadamente, que financia na súa maioría a Xunta de Galicia. Ten pendentes outras 500 horas para adxudicar aos usuarios que non reciben o servizo pola falta de pericia e pola ineficacia absoluta deste goberno. Esas horas xa están concedidas pola Xunta de Galicia ao Concello”. Tamén sinala: “E o máis grave é que ademais temos un contrato neste servizo que leva caducado case dous anos (cumpriranse en marzo); o anterior goberno tiña avanzadas as súas bases. Este é outro exemplo no que vemos que están apartadas polo goberno bipartito, porque están sen actualizar, cun prezo hora moi por debaixo do prezo de mercado. Non chega a 12 euros/horas, mentres que outros concellos o teñen actualizado e é moito máis alto. Parece que o Concello está cómodo aforrando cartos no servizo de axuda no fogar; non sabemos por que, pero pedimos que se regularice canto antes ese servizo, porque estamos da man da boa fe da empresa concesionaria, que ten a ben non baixar o servizo a pesar de estar moi por debaixo do prezo de custo”.
O Partido Popular denuncia “a incapacidade da concelleira de Servizos Sociais, que leva ano e medio sen facer absolutamente nada e ten pendente de sacar un contrato que xa estaba avanzado no seu momento”. Castiñeira sinala: “Denunciamos ese deixamento, a ineficacia administrativa do equipo de goberno que, a pesar de ser o dobre de concelleiros e de ter algunha dedicación máis que o anterior goberno, é moito menos eficaz e moi malo na xestión administrativa, de tal maneira que está paralizando este Concello”.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
