Viveiro, 20 de xaneiro de 2021. O Concello de Viveiro anuncia que o próximo luns, 25 de xaneiro, entrará en vigor a ordenanza sobre a regulación do tráfico no casco antigo do municipio. Dita ordenanza fora aprobada polo pleno da corporación o pasado 1 de decembro de 2020.
Coa entrada en vigor de dita ordenanza, as entradas e saídas ao casco antigo realizaranse polas rúas referidas no plano axunto. Así, as rúas Maruxa Mallo e Irmáns Vilar Ponte serán os principais puntos de entrada e saída ao casco antigo.
Este mapa tamén figurará no reverso dos Distintivos de Acceso Restrinxido. A veciñanza poderá solicitar estes distintivos nos seguintes supostos:
Usuarios de garaxes (Distintivo G).
Titulares de establecementos comeciais (Distintivo EC).
Servizos de distribución e reparto (Distintivos D e DP).
Mercado semanal (Distintivo M).
Acceso a persoas con dificultades de mobilidade temporal ou definitiva (Distintivo MR).
Servizos esencias para a comunidade (Distintivo S).
Residentes (Distintivo R).
Empresas de servizo de comida rápida, reparto asistencial de comida a domicilio, reparto urxente de medicinas (Distintivo RR).
Obras (Distintivo O).
Eventos e celebracións (Distintivo EV).
Autorizacións extraordinarias (Distintivo EX).
A partir do 25 de xaneiro, o Concello de Viveiro habilitará un modelo de solicitude que estará dispoñible no Rexistro Municipal, na sede electrónica e na páxina web do concello. Tamén se indicará a documentación que se deberá achegar en cada suposto.
Dende o Concello de Viveiro informan que as solicitudes de acceso ao casco tramitaranse no menor tempo posible, pero recordan que teñen que expedirse de novo todos os permisos de acceso, o que levará un certo tempo.
Ademais, o goberno municipal traslada que, nas primeiras semanas, a Policía Local realizará unha labor de información e concienciación para a adaptación íntegra ao establecido nesta ordenanza.
Dende o Concello de Viveiro pregan aos interesados/as que soliciten os Distintivos de Acceso Restrinxido o antes posible e que leven consigo a copia da solicitude cando circulen polo interior do casco antiguo, mentres non dispoñan da autorización e do distintivo. Ademais, o goberno local recorda que se deben cumprir os requisitos establecidos na ordenanza, tanto en materia de horario como en tempo de permanencia, así como outras cuestión reguladas na mesma.
Por último, as cotas tributarias polo acceso ao casco antigo, establecidas nunha das ordenanzas fiscais, non se adecúan aos supostos da nova ordenanza. Polo tanto, dende o goberno local informan que será necesario elaborar unha nova ordenanza fiscal.
Na iniciativa participaron arredor de 500 rapaces e rapazas de secundaria de oito institutos da Mariña. Arias destacou a posibilidade que supuxo para o alumnado poder achegarse a esta modalidade deportiva e agradeceu “a colaboración continuada que prestan neste tipo de actividades”.
Celébranse ata o mércores no CFEA Pedro Murias. O programa inclúe tamén showcookings, presentacións e interesantes charlas como a ofrecida este martes sobre a posible produción de viño na Mariña.
Unha obra contemporánea orientada a público adulto. Venda de entradas: de luns a xoves, no teléfono 982560162, en horario, de 9 a 14,00 horas, ou no correo electrónico rbg.cultura@viveiro.es, e tamén na taquilla do teatro 1 hora antes da función.
Estivo enmarcado dentro dos actos do 25N. Tamén foi unha xornada na que crearon e tiraron de imaxinación co violeta como protagonista, cor símbolo da loita contra a violencia de xénero.
O presunto autor arrincou supostamente o toldo exterior dun establecemento comercial situado neste termo municipal na madrugada do 31 de agosto. A persoa investigada e as dilixencias policiais foron remitidas á Autoridade Xudicial.
Previamente traballou no Hospital de Burela. Beatriz, ainda que orixinaria da Coruña asentouse na Mariña cando veu a traballar a Burela, onde formou a sua familia e onde finalmente se xubilou. A cea foi no Hotel restaurante Nordés, á que asistiron 60 persoas. Recibiu agasallos nos que participaron máis de 100 persoas que coincidiron con ela na Residencia de Maiores de Burela. Deixa unha enorme pegada pola sua labor profesional e humana.
A A.C. Francisco Lanza organiza este venres, 29 de novembro ás 20.30h, na Casa do Viejo Pancho, unha charla coloquio sobre a situación dos medios de comunicación e as relacións destes co poder. Estará impartida por Luis Álvarez Pousa, director da revista "Tempos Novos" e profesor na Facultade de Ciencias da Comunicación da USC. Presentará o acto, Farruco Graña, presidente da ACFL.
