Burela, 29 de xaneiro de 2020. O Concello de Burela publica hoxe un anuncio mediante o que queda prohibida temporalmente a estancia e permanencia de calquera persoa nos parques infantís, parques e prazas de titularidade ou uso municipal. Estará permitida a circulación peonil en tránsito, sempre e cando non se produzan paradas inxustificadas nin agrupacións de persoas non convivintes neses espazos. No anuncio, que está colgado na web municipal, tamén se informa que o mercado semanal seguirá a celebrarse en Torrentes, seguindo a normativa sanitaria en vigor en cada momento. O obxectivo da adopción destas medidas é facer fronte á crise sanitaria ocasionada polo covid19.
O alcalde, Alfredo Llano, dixo que “o que pretendemos con este decreto é lembrar e ser coherentes co que di a normativa. Hai que ter en conta que en Burela, agora mesmo, están baixando os casos, pasamos dos cincuenta e algo e agora estamos en menos de corenta. Cremos que debemos seguir así. Hai que tratar de atallar o antes posible o coronavirus. Hai que rematar coa cadea de contaxios porque xa vemos as consecuencias que está traendo e temos que frealo entre todos”.
O rexedor sinalou que “o decreto di claramente que nos lugares públicos, como poden ser unha praza ou un parque, está permitido que se circule, pero non se pode parar e manter conversas entre varias familias. Hai que evitar da maneira máis radical os contaxios. Iso vai entrar en vigor hoxe. Tanto nos parques como nas prazas e nas rúas hai que procurar circular fluidamente. A normativa xa di claramente que só poden ir convivintes, polo tanto creo que queda claro que a nosa intención é acabar cos contaxios”.
Llano lembrou que “temos pechado noutras ocasións os parques, pero esperemos que non faga falta facer iso. Colocaremos uns carteis lembrando a normativa para que non haxa a mínima oportunidade de contaxiarse. Espero que se entenda esta normativa que é polo ben de todos, para acabar dunha vez con todo isto e poder normalizar a vida socioeconómica e ter máis seguridade sanitaria. Contamos coa responsabilidade da veciñanza de Burela, que sempre o fixo de marabilla, e con esta nova normativa esperamos que en pouco tempo se vaian aclarando as cousas e facer unha vida normal, que é o que queremos todos”.
Desde a Concellería de Deportes e de Turismo, Ramiro Fernández Rey, indicou que “está pechado o barco museo Reina del Carmen e tamén as instalacións deportivas municipais, que so poderán ser empregadas polos equipos que teñen permitido competir, seguindo todos os protocolos sanitarios en vigor”.
Felicitación ao Burela FSF
Por outra banda, o alcalde de Burela felicita ao Burela Fútbol Sala Feminino polo recoñecemento recibido como mellor equipo do mundo. O rexedor dixo: “quero manifestar a nosa satisfacción e o grande pracer de toda a veciñanza de Burela polo éxito acadado polo noso equipo de fútbol sala feminino, que non soamente gañou a Liga, a Recopa, a Supercopa e a Copa da Raíña senón que ademais logrou un título extraordinario como é o recoñecemento do mellor equipo do mundo. Isto para Burela é un éxito absoluto porque ademais non soamente indica que o club traballa moi ben senón que aquí en Burela existe unha afección sen a que sería imposible acadar os éxitos que se están logrando”.
Alfredo Llano engadiu que “traballan con rigor para facer equipo, con xente moi valiosa que son as xogadores pero tamén o club está facendo as cousas moi ben. É motivador para que a xente practique deporte e danos optimismo a todos para seguir traballando”. E subliñou: “ademais quero destacar a importancia que deu ao concello de Burela. Hoxe estamos situados no mapa do mundo grazas a esta circunstancia. Parabéns ao club, á afección e á veciñanza de Burela por esta proxección que se acada a través do deporte, unha das cousas máis a ter en conta nas vilas”.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
