Este nomeamento prodúcese logo da redistribución de competencias que deu lugar á creación de novos departamentos autonómicos; deste xeito, Pilar Fernández continúa como xefa territorial da Consellería de Emprego e Igualdade. Casasola é enxeñeiro técnico de minas e conta cun máster universitario en Enxeñería mineira e recursos enerxéticos. Accedeu á función pública no 2016 e na actualidade desempeñaba o seu labor na xefatura de Economía, en concreto no Servizo de Enerxía e Minas de Lugo. Previamente traballou na empresa privada como xefe de obra, de planificación ou de seguridade e hixiene de distintas firmas.
