Lugo, a 19 de xaneiro de 2021. O deputado do Grupo Popular, José Manuel Balseiro, vén de rexistrar unha pregunta no Parlamento de Galicia na que se interesa polo trámite no que se atopa o ambicioso proxecto promovido pola Consellería de Infraestruturas e Mobilidade para a mellora da seguridade da estrada autonómica da Gañidoira.
O Goberno galego traballa nun proxecto que permitirá incrementar a capacidade e servizo da LU-540, que une as localidades de Viveiro e Xermade. Trátase da principal alternativa para os vehículos que viaxan en dirección ás cidades de Lugo e de Ferrol desde A Mariña lucense ou desde a parte máis occidental da comarca da Terra Cha.
A iniciativa ten como principal obxectivo o acondicionamento dos treitos que permitan unha mellor mobilidade da veciñanza, en condicións máis seguras e cómodas. De feito, prevé a rectificación de curvas, así como a implantación de novos tramos de carrís de adiantamento (en treitos con pendente superior ao 3%) así como a mellora da seguridade fronte ao cruce de animais.
“A proposta inicial da Xunta, pendente do proxecto definitivo, incorporaba a construción por desdobramento de cinco tramos de carril lento en sentido Lugo e tres en sentido Viveiro”- lembra o deputado.
O Goberno galego fixo un investimento inicial de 185.000 euros para contratar coa empresa especializada Ingenieria del Noroeste S.L. o deseño do proxecto construtivo desta obra, para o que tiña un prazo que remata neste primeiro trimestre do ano (en marzo de 2021). A esta cifra de investimento teríamos que engadir o custe efectivo de execución das obras.
O deputado popular quere tamén facer balance dos investimentos achegados pola Xunta nesta vía pois lembra que os últimos anos, a través da Consellería de Infraestruturas e Mobilidade, vén impulsando as obras de regularización e reforzo de firme e de renovación e mellora da sinalización, balizamento e das marcas viarias, por citar as máis recentes.
A estrada da Gañidoira comeza o seu trazado no centro do núcleo urbano da cidade de Viveiro e continúa en dirección sur, cara a Ourol, atravesando o municipio de Muras, na Serra do Xistral –no alto do porto da Gañidoira-, para finalmente terminar na rotonda situada na parroquia de Cabreiros, nos arredores de Xermade, uníndose neste punto á autovía autonómica AG-64.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
