Santiago de Compostela, 20 de xaneiro 2021. O deputado do BNG, Daniel Pérez volveu a levar ao Parlamento a “situación crítica” da hostalería galega e a urxencia de medidas para asistir a un sector gravemente afectado polas restricións da pandemia “dende hai moitos meses” polo que reiterou a urxente posta en marcha “dun plan de rescate” con axudas directas e a fondo perdido que foi aprobado “por unanimidade” na Comisión de Enerxía, Comercio e Turismo.
O deputado do BNG explicou que o plan de rescate proposto polo BNG non substitúe ao Plan de Cooperación da Xunta presentado “de maneira unilateral e sen dialogo co resto das administracións implicadas” e aínda pendende de ser consensuado pola Xunta, concellos e deputacións.
Neste sentido, lembrou que a Xunta conta con máis recursos que nunca, 11.600 millóns de euros que deben chegar a aqueles sectores que “peor o están a pasar” e sen dúbida algunha, a hostalaría e un dos máis afectados. “As administracións deben aportar a mesma porcentaxe” e por exemplo, dixo, se a Xunta compromete o 1% dos orzamentos, os concellos e deputacións deben aportar tamén o 1% dos seus orzamentos.
A hostalería gravemente afectada pola pandemia
Na súa intervención, o nacionalista sinalou que o sector da hostalería perdeu máis de 11.000 empregos, ocupa a 60.000 galegos e galegas e xera 300 mil empregos indirectos.
O deputado recalcou que a situación económica da hostalaría “é moi grave” e precisa de medidas urxentes. O goberno galego, dixo, debe abandonar “a propaganda” con plans de rescate sen efecto no sector como o anunciado para a Cultura e Turismo, que non contiña ningunha liña a fondo perdido e con axudas para a dixitalizacións e liñas de crédito brandas, medidas ás que poucos hostaleiros e hostaleiras se acolleron ante o evolución do virus e a incerteza de continuar abertos o que provocou as reticencias do sector para endebedarse.
As medidas publicitadas pola Xunta, afirmou, “foron parches” e non compensaron nove meses sen facturación con que facer fronte aos gastos
correntes e alugueres. As axudas para instalar terrazas demostran que a Xunta vive “nun mundo paralelo” e descoñece o clima do noso país ao que sumou os problemas de moitos establecementos para instalar unha terraza.
Ademais, engadiu, “as medidas chegaron tarde” como evidencia o cerre de moitos establecementos míticos e outros que baixan os enreixados de forma anónima como amosou o sector con protestas e mobilizacións no mes de decembro que continúan hoxe ou a “peregrinación” da hostalaría de Pontevedra a Santiago, unha peregrinación “máis nutrida que os peregrinos que recorren o Camiño e o recorrerán até o verán”.
O nacionalista lembrou que recentemente, a Xunta presentou un “Plan de Cooperación” para canalizar as axudas futuras do sector no que a Xunta portaría o 50%, as deputacións o 30% e os concellos 0 20%. É momento de arrimar o ombro e a Xunta “non pode comprometer os orzamentos doutras administración” nun plan a tres bandas. A Xunta presentou o plan “sen unha negociación previa e comprometendo os orzamentos doutras administracións”.
O Plan de cooperación non canalizará “de forma inmediata” as axudas que reclaman os hostaleiros e por iso dende o BNG reclamamos un “Plan de rescate” con “axudas directas” extraordinario e urxentes que respondan á falta de “liquidez abafante” do sector. O acordo acadado hoxe no Parlamento galego tamén inclúe a simplificación dos trámites para acceder ás axudas e ampliar a carencia do préstamos da Xunta e do ICO.
Na iniciativa participaron arredor de 500 rapaces e rapazas de secundaria de oito institutos da Mariña. Arias destacou a posibilidade que supuxo para o alumnado poder achegarse a esta modalidade deportiva e agradeceu “a colaboración continuada que prestan neste tipo de actividades”.
Celébranse ata o mércores no CFEA Pedro Murias. O programa inclúe tamén showcookings, presentacións e interesantes charlas como a ofrecida este martes sobre a posible produción de viño na Mariña.
Unha obra contemporánea orientada a público adulto. Venda de entradas: de luns a xoves, no teléfono 982560162, en horario, de 9 a 14,00 horas, ou no correo electrónico rbg.cultura@viveiro.es, e tamén na taquilla do teatro 1 hora antes da función.
Estivo enmarcado dentro dos actos do 25N. Tamén foi unha xornada na que crearon e tiraron de imaxinación co violeta como protagonista, cor símbolo da loita contra a violencia de xénero.
O presunto autor arrincou supostamente o toldo exterior dun establecemento comercial situado neste termo municipal na madrugada do 31 de agosto. A persoa investigada e as dilixencias policiais foron remitidas á Autoridade Xudicial.
Previamente traballou no Hospital de Burela. Beatriz, ainda que orixinaria da Coruña asentouse na Mariña cando veu a traballar a Burela, onde formou a sua familia e onde finalmente se xubilou. A cea foi no Hotel restaurante Nordés, á que asistiron 60 persoas. Recibiu agasallos nos que participaron máis de 100 persoas que coincidiron con ela na Residencia de Maiores de Burela. Deixa unha enorme pegada pola sua labor profesional e humana.
A A.C. Francisco Lanza organiza este venres, 29 de novembro ás 20.30h, na Casa do Viejo Pancho, unha charla coloquio sobre a situación dos medios de comunicación e as relacións destes co poder. Estará impartida por Luis Álvarez Pousa, director da revista "Tempos Novos" e profesor na Facultade de Ciencias da Comunicación da USC. Presentará o acto, Farruco Graña, presidente da ACFL.
