Lugo, 29 de xaneiro de 2021. Alcaldes do Partido Popular como o de Cervo e tamén vicepresidente da FEGAMP, Alfonso Villares; Sober, Luis Fernández Quitián; Folgoso do Courel, Lola Castro; Triacastela, Olga Iglesias; e Chantada, Manuel Lorenzo; alzan a súa voz e piden que sexa a propia Xunta de Galicia a que xestione as axudas do segundo Plan de rescate do sector hostaleiro. Os populares defenden así que o Goberno galego é a mellor administración que se pode encargar dos trámites, pois é a que dispón do maior número de medios e tamén de máis fondos económicos.
Este iniciativa para paliar os efectos da crise da covid-19 incorpora 75 millóns do Executivo galego e outros 5,5 millóns as Deputacións, á espera de concretarse a participación dos Concellos, pero existe unha cerrazón clara por parte dalgunha institución provincial como a lucense no que se refire ao importe e á xestión.
Os rexedores municipais coinciden en destacar que “estamos no tempo de desconto”. “Son moitos os empresarios os afectados e queren, canto antes, axilidade e respostas uxentes. Sen lugar a dúbidas, manifestan, a Xunta de Galicia é a que ten a maior capacidade para elo”.
Así o demostrou, aseguran, na tramitación do primeiro Plan. Máis de 1.400 hostaleiros da provincia xa percibiron preto de 4,3 millóns de euros, no marco dalgunha das tres axudas contempladas no primeiro plan que puxo en marcha o Executivo de Feijóo. Dos 4.297.450 euros dedicados a responder ás solicitudes de toda a provincia, na capital investíronse 1.717.900 euros. Outros hostaleiros de concellos lucenses moi castigados pola pandemia, peches e restricións tamén obtiveron importantes prestacións. É o caso de Monforte de Lemos, con unha partida de máis de 366.000 euros repartida entre 209 axudas; Viveiro, cunha cantidade de 320.000 euros para responder ás 170 solicitudes; Sarria, con 78 axudas ás que se destinaron preto de 200.000 euros; e Vilalba, concello no que 154 beneficiarios percibiron algo máis de 267.000 euros para facer fronte ás pérdidas pola crise saniaria.
Postura individual dos alcaldes
O vicepresidente da FEGAMP e alcalde de Cervo indica que “é unha boa e necesaria medida para o sector turístico e hostaleiro, que o está a pasar mal. A urxencia é máxima, por iso debemos buscar unha xestión áxil para que cheguen as axudas canto antes. Ao asumir este cometido a Xunta, libéranos ás entidades locais de contraer unha carga extra de traballo, que é precisamente do que nos queixamos moitas veces. Correr nós con este traballo suporía un incremento de volume inasumible e repercutiría no beneficiario”.
En canto á cantidade a aportar, Alfonso Villares manifesta que as Deputacións teñen un cometido fundamental neste asunto, ao seren a Casa do Concellos e teren a súa principal razón de ser en ser o soporte para os municipios máis pequenos. “Dado que non se lles coñece outra competencia, deberían incrementar as súas achegas a este fondo común para axudar, precisamente, aos Concellos con menor capacidade”, defende.
O titular de Sober, Luis Fernández Quitián, manifesta que, “nestes momentos tan complicados, o que necesita o sector é axilidade na resolución de problemas. Por tanto, se o primeiro rescate funcionou ben parece absolutamente lóxico que a Xunta volva a ser quen xestiona estas axudas porque é que aporta con diferencia a maior cantidade e demostrou capacidade e medios no anterior plan”.
Lola Castro, alcaldesa de Folgoso do Courel engade: “vexo inviable que queiran cargar aos Concellos coa tarefa de xestión do reparto dos fondos do Plan de rescate porque non temos medios suficientes. O mellor e que o faga a propia Xunta. Xa o fixo unha vez e, posto que é quen aporta a maioría das axudas, o lóxico é que ela xestione todo”.
A rexedora de Triacastela, Olga Iglesias, afirma con rotundidade que é a Xunta a que ten que xestionar este segundo fondo de rescate. “Xa fixo o primerio e é a única que ten a implantanción en todo o territorio e ten demostrado axilidade no pagamento de todo tipo de axudas, nas de rescate e de emerxencia, nas de produtores de vacún de carne, etc. Non creo, por tanto, nin que debamos de plantexarnos quen o ten que facer”, conclúe.
O chantadino, Manuel Lorenzo Varela, pon en valor que sexa o Goberno autonómico o que lidere este fondo, xa que “é a que máis recursos económicos pon de todas as administracións -Xunta, Deputación e Concellos-. Que non nos veñan con máis traballos que non somos capaces de facer. Ademais, explica, estas axudas deben ir encauzadas a que sexan un fondo común e non a que haxa tres fondos distintos”.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
