Ribadeo, 12 de decembro de 2020. Os Bolechas pasearon hoxe polas rúas de Ribadeo, saíron da Avenida de Galicia, pasaron polas inmediacións da praza de abastos, pola rúa de San Francisco, polas Catro Calles e polo Cantón. Os famosos Bolechas fixeron as delicias dos máis pequenos e pequenas da casa.
A actividade, organizada por Acisa coa colaboración do Xacobeo 2021 e da Xunta de Galicia, forma parte da programación de Nadal que deu comezo hai uns días co acendido do árbore da praciña de San Roque e coas panxoliñas que soan nas rúas de Ribadeo.
Desde Acisa fan unha valoración positiva da visita dos Bolechas: “fixeron fotos con todos os nenos e nenas cos que se atoparon e cos adultos” e subliñaron que “o paseo por Ribadeo discorreu con normalidade e respectando os protocolos covid en vigor”.
A campaña de Nadal de Acisa inclúe o sorteo da X Festa do Comercio, que repartirá 4.000 euros en premios. A principal novidade é que o sorteo non será presencial para evitar as aglomeracións que se producían outros anos. Este realizarase nas oficinas de Acisa o 11 de xaneiro e será emitido en directo a través das redes sociais da asociación, coa posterior publicación dos números agraciados nos medios de comunicación. Desde o 4 de decembro ata o 10 de xaneiro as rifas están a disposición dos clientes de todos os negocios asociados a Acisa Ribadeo. Este ano haberá un premio de 2.000 euros, un premio de 1.000 euros, un premio de 500 euros e cinco premios de 100 euros.
A Asociación de Comerciantes, Industriais, Servizos e Autónomos de Ribadeo aposta tamén pola animación en directo, sempre que as circunstancias o permitan e deixando aberta a posibilidade de cancelación. Hoxe Os Bolechas estiveron en Ribadeo e tamén haberá pasarrúas de gaitas varias fins de semana, pola tarde e ao mediodía.
Desde Acisa animan “a ribadenses e visitantes a disfrutar con sentidiño, respectando as medidas de hixiene e a distancia de seguridade, das actividades previstas, das compras no comercio local e do consumo na hostalería”.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
