Viveiro, 03 de decembro de 2020. No máis recente pleno celebrado pola corporación municipal de Viveiro, o PP conseguiu que o goberno local aceptara solicitar á Deputación un cambio de fin da subvención de 25.000 euros á que renunciou porque era para a Semana Santa e, debido a pandemia, non podía celebrarse o acto á que estaba destinada. Pero, para disimular o cambio de criterio aplicado polo goberno neste caso, os socialistas votaron en contra da proposta do PP. Así o destaca o portavoz popular, Óscar Rodríguez, que di: “Non creo que haxa moitos casos nos concellos de España nos que a presidencia da corporación asuma unha proposta da oposición e vote en contra da moción na que se recolle; é inaudito e propio dun goberno que non sabe a que está”.
Rodríguez recorda que cando fixo pública a proposta para solicitar o cambio de fin da citada subvención, o goberno local saíu á palestra para dicir que en vez desa (25.000 euros) conseguira, para diversas finalidades, outra de 150.000. “Dixemos naquel momento e dixémolo tamén no pleno: unha subvención non ten que ver coa outra. Viveiro non está para perder achegas, neste caso unha de 25.000 euros. A outra e unha subvención que vén concedendo a Deputación, como xa fixo no ano pasado”.
Por outro lado, o PP logrou na máis recente sesión plenaria o voto unánime á súa proposta para solicitar á tesourería xeral da Seguridade Social a cesión da chamada Escola Vella de Celeiro, para acoller a Escola Oficial de Idiomas. Óscar Rodríguez sinala: “Como o PSOE está nas institucións para facer oposición á Xunta e a Feijoo, os socialistas intentaron emendar a nosa moción para solicitar, mentres non se produza a cesión, un local á Xunta de Galicia. Non aceptamos a proposta e finalmente, a nosa moción saíu adiante por unanimidade”. Engade Rodríguez: “Unha vez máis, o PP levou a iniciativa”.
Outro das propostas populares, en forma de rogo, foi para que o Concello faga as xestións necesarias para a consolidación e limpeza dun edificio da rúa Juan Donapetri, que ten na súa cuberta un verdadeiro bosque. Rodríguez declara: “Foi, esta do PP, unha iniciativa necesaria, porque, polas indicacións que se nos deron dende o goberno, houbo hai tempo xestións cos propietarios, pero non fixeron nada; o único que fan é pagar as multas que lles impón o concello, e iso non resolve o problema. A ver se, a raíz da nosa proposta, o goberno se pon a traballar en serio neste asunto”.
Estivo enmarcado dentro dos actos do 25N. Tamén foi unha xornada na que crearon e tiraron de imaxinación co violeta como protagonista, cor símbolo da loita contra a violencia de xénero.
O presunto autor arrincou supostamente o toldo exterior dun establecemento comercial situado neste termo municipal na madrugada do 31 de agosto. A persoa investigada e as dilixencias policiais foron remitidas á Autoridade Xudicial.
Previamente traballou no Hospital de Burela. Beatriz, ainda que orixinaria da Coruña asentouse na Mariña cando veu a traballar a Burela, onde formou a sua familia e onde finalmente se xubilou. A cea foi no Hotel restaurante Nordés, á que asistiron 60 persoas. Recibiu agasallos nos que participaron máis de 100 persoas que coincidiron con ela na Residencia de Maiores de Burela. Deixa unha enorme pegada pola sua labor profesional e humana.
A A.C. Francisco Lanza organiza este venres, 29 de novembro ás 20.30h, na Casa do Viejo Pancho, unha charla coloquio sobre a situación dos medios de comunicación e as relacións destes co poder. Estará impartida por Luis Álvarez Pousa, director da revista "Tempos Novos" e profesor na Facultade de Ciencias da Comunicación da USC. Presentará o acto, Farruco Graña, presidente da ACFL.
Na súa representación estivo o seu Presidente, José Veiga, apoiado pola Alcaldesa, María Loureiro, compañeiros da Xunta de Confrarías e Monseñor Fernando García Cadiñanos, Bispo de Mondoñedo-Ferrol que á súa vez contaba coa compañía do Párroco D. Xosé Ramón Escourido Basanta.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
