Mondoñedo, a 19 de decembro de 2020. O Concello de Mondoñedo e a asociación de comerciantes presentaron este sábado o vídeo de promoción do comercio local #regalamondoñedo, con motivo da campaña de Nadal. Esta peza audiovisual creada para a súa difusión a través das redes sociais pretende potenciar o comercio de proximidade durante estas datas e contribuír a “concienciar de que se merque preto”.
O Concello apoia esta campaña e convida aos veciños e visitantes a mercar durante este Nadal nos comercios de Mondoñedo e consumir produtos de Mondoñedo. Insisten, dende o goberno local, “na importancia de coidar o noso, especialmente nun momento complicado coma o actual” debido á pandemia do coronavirus que afectou a todos en xeral e aos pequenos negocios, o comercio e a hostalería local en particular.
Por iso, “máis ca nunca, debemos apoiar aos nosos veciños que traballaron durante o confinamento da pasada primavera coidando os seus produtos ou garantindo a atención nos comercios para abastecernos de produtos básicos”, segundo manifestan dende o goberno local.
#regalamondoñedo
Subliñan dende o Concello “o trato cercano dos comerciantes” e destacan “a calidade dos produtos agroalimentarios de Mondoñedo”. E, así mesmo, poñen en valor outros atractivos do concello coma a artesanía local ou os seus recursos patrimoniais.
De feito, a peza audiovisual recolle imaxes do concello, dos seus produtos da horta, do seu patrimonio histórico-cultural ou dos seus produtos gastronómicos máis emblemáticos como son a tarta ou o pan de Mondoñedo. O vídeo recolle tamén imaxes de artesáns do barro e da pedra.
“Este Nadal saborea o mellor da túa terra, disfruta co seu patrimonio, coa súa gastronomía e coa súa artesanía, con detalles de cercanía que axudan ao que tes ao teu carón. Este Nadal, regala Mondoñedo”.
Valorar o noso
Con esta campaña, o Concello de Mondoñedo continúa desenvolvendo distintas accións de promoción e apoio ao comercio local. O ano pasado, en colaboración coa ACIAM, elaborou unha guía do comercio local que recolle máis de 300 negocios do concello para dalos a coñecer entre os veciños co obxectivo de “potenciar o comercio de proximidade e valorar o noso”.
A guía completa está dispoñible no seguinte enderezo web: http://www.concellomondonedo.es/portal_localweb/RecursosWeb/DOCUMENTOS/1/Guia_do_comercio_local.pdf.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
