Foz, 1 de decembro de 2020. O Concello de Foz presenta a programación do Nadal 2020, “onde todo se reinventa para garantir que a maxia desta época do ano siga máis viva ca nunca, nun contexto onde as garantías sanitarias deben estar por encima de todo”, anuncian o alcalde, Fran Cajoto, e a concelleira de Cultura, Inés López Couto. O alumeado das rúas focenses acenderase este xoves, día 3, ás 19:00 horas.
A edil de Cultura explica: “pensamos en todas as nenas e nenos: esta festa é deles. Adaptamos as programacións pensando nos máis pequechos da casa, así o teatro infantil cobra un protagonismo especial. Hai obras adaptadas para idades desde os 2 anos, polo que os papás terán onde escoller. As representacións serán na sala Bahía ás 18:30 horas en distintas datas, previa cita ata completar aforo”.
O alcalde engade: “temos informacións fidedignas de que os elfos e Papá Noel van estar de visita polas rúas de Foz adozando o Nadal. En Laponia son moi respectuosos coas medidas anti-covid e por iso este ano, para evitar aglomeracións e colas, a embaixada de Santa Claus trasladounos que Papá Noel e os seus axudantes elfos van pasear polas rúas, con pequenas sorpresas para os pequechos. Pero asegúrannos que este Nadal reforzouse o plantel de elfos, para que os agasallos saian con todas as medidas sanitarias”.
Inés López pon o acento na calidade da programación: “quero destacar a programación do domingo 27, cun concerto do grupo Suakai, que ofrecerá dous pases pola limitación de aforo da Sala Bahía, ás 18:00 e ás 20:00 horas. Conformado por un plantel de músicos formado polos mellores instrumentistas do panorama estatal, ofrecerannos unha viaxe a través das bandas sonoras máis relevantes e atractivas da historia do cine, acompañadas de imaxes e luces. Poder ofrecer este espectáculo en Foz, combinación do visual e instrumentos de corda, vento e metal é un auténtico luxo. Presentamos agora a programación do mes de decembro, que continuará no próximo mes de xaneiro, adaptándoa sempre ás condicións epidemiolóxicas. Non é, sen embargo, unha programación completa: agárdannos sorpresas que iremos descubrindo. Cousas da maxia do Nadal”.
O alcalde e a concelleira remataron anunciando que “o gran estreo deste programa será este xoves, día 3 de decembro, ás 19:00 horas, no que Foz se ilumina co gran acendido do alumeado do Nadal 2020, adiantado por mor das previsións de inclemencias meteorolóxicas. Quixemos que unhas datas tan entrañables se sintan tanto no núcleo urbano como nas parroquias, por iso as luces e as festas deben chegan a todos os recunchos do concello. Sabemos que é un Nadal diferente, no que non podemos estar reunidas todas as familias por completo, pero o sentimento destas datas, de unión e irmandade, sempre estará presente. O Concello de Foz quere estar ao lado de todos vosoutros e lembrar que xuntos superaremos calquera reto ou atranco que apareza no camiño”.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
