Viveiro, 22 de decembro, 2020. Anos leva a problemática nas zonas máis sombrías do paseo fluvial do Landro onde, por consecuencia das xeadas, é moi doado esvarar e mancarse, facendo incluso imposíbel o seu tránsito en varios treitos do mesmo.
Un fermoso paseo que ademais de ofrecer benestar veciñal, da servizo comunicando á veciñanza de Portochao, Magazos, Xunqueira e Viveiro, así como de acceso a fincas particulares, pero que na situación na que se atopa obriga á veciñanza a transitar por outras zonas ou incluso a improvisar camiños nas súas marxes para poder pasar.
Tras anos sen solucións, María Loureiro dixo en pleno ser coñecedora desta problemática e incluso confirmou que o Concello ten as competencias en mantemento, seguridade e condicionamento deste paseo fluvial, algo que xa era coñecedora a concelleira do BNG, Míriam Bermúdez, e que por iso levou esta demanda ao pleno municipal mesmo propoñendo unha solución que noutros concellos con problemas similares está a funcionar de maneira positiva.
Mais a alcaldesa desbotou a proposta do BNG de forma fulminante chegando a dicer que “para pasear basta co tramo que discorre de Viveiro até A Veiga”, o cal supón escasamente 1,5km dun total de 7km que ten este paseo, “unha resposta canto menos surrealista” confirmou Míriam Bermúdez, “e que pode provocar que nun futuro as administracións se pensen dúas veces se investir en Viveiro polo nulo mantemendo das infraestruturas nas que se comprometeu o propio Concello.” Por desgraza, esta falta de mantemento provoca o deterioro acelerado das infraestruturas públicas.
“Co PSOE de Viveiro o rédito político sempre está por riba do benestar veciñal” asegurou Míriam Bermúdez, “as iniciativas do BNG veñen con solucións e propostas en positivo, mais parece que o único que pensan é en cómo desbotalas para votar en contra delas, e incluso se as fan evitan mencionar ao BNG, como foi o caso da cesión da casa de Calvo Sotelo de AFA.”
Míriam Bermúdez rematou enviando unha mensaxe á veciñanza de Viveiro de esperanza cara o futuro: “non se poden antepoñer os réditos políticos ao benestar veciñal, podedes estar seguros e seguras de que o pasotismo, e a falta de rigor e de respecto á veciñanza por parte do PSOE, nunca se vai trasladar ao BNG”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
