Daniel Vega expresa o apoio do seu Grupo a usuarios e traballadores do asilo de Ribadeo e tende a man ao Concello “nestes momentos de dificultade”

 Ribadeo, 25 de decembro de 2020. O voceiro do Grupo Municipal do PP de Ribadeo, Daniel Vega, expresa o apoio da formación á que pertence a usuarios e traballadores do asilo afectados pola covid-19 e tende a man ao Concello e á área de Servizos Sociais municipal “nestes momentos de dificultade para traballar todos xuntos e superar a pandemia”.

“Non é o momento de alarmar, senón de respaldar e de que todos, tando afectados como o persoal que traballa neste centro, sintan o noso apoio”. Segundo apunta o voceiro popular “debemos estar todos unidos en beneficio do noso pobo”.

“Responsabilidade” e “sentidiño”
Daniel Vega aproveita, ademais, a ocasión para remarcar que “nestas datas debemos de actuar con responsabilidade”. “Temos que seguir coidándonos, polo que é importante que cumpramos as recomendacións sanitarias, aínda que elo implique ter que renunciar a ver a familiares queridos ou a amigos nestas datas tan sinaladas. Sei que os ribadenses actuamos sempre con sentidiño e, nesta ocasión, tamén é importante que o sigamos facendo”, conclúe.