Santiago de Compostela, 3 de decembro de 2020. “Vostede é o protagonista dun recorte sistemático de servizos e do aumento desmesurado do gasto”. Así llo trasladou o deputado autonómico, Daniel Vega, ao presidente da Deputación na Comisión de Economía, Facenda e Orzamentos do Parlamento de Galicia, onde explicou as contas desta administración para 2021.
Deste xeito, Daniel Vega díxolle ao presidente provincial que, “cando todas as administracións están aprobando orzamentos pensados en facer fronte á covid, a Deputación está ausente na atención ás persoas, ás familias, no apoio aos autónomos e á industria, e ausente antes os principais sectores produtivos da provincia”. E é que ““estes orzamentos son continuistas -o dono destas palabras foi vostede- e están fóra da realidade da provincia”, porque, afirmou o deputado, a pesar de aumentar a cifra, só o fan en gasto corrente, pero non en inversión, que a reducen en 3 millóns de euros”. “O que si manteñen, dixo, son achegas importantes a entidades como UXT da que unha persoa coñecida por vostede forma parte”.
O deputado do Grupo Parlamentario do PP expuxo que as contas carecen dun plan covid e dunha dunha actuación estratéxica para contribuír a que tamén dende a Deputación se poña o seu grao de área para superar a crise. “Póñolles tres exemplos. Outras Deputacións como a de Cadiz, gobernada polo PSOE, ou as de Ávila e Alacante foron quen de consensuar e buscar un acordo orzamentario para combater a pandemia. Incluso o seu predecesor foi capaz de pactar os orzamentos, sendo aprobados sen ningún voto en contra”, sinalou Vega.
“Nunca cumpren o que prometen”
“Nunca cumpren o que prometen”, afirmou Daniel Vega, pois, no pacto de goberno BNG-PSOE había un compromiso de incrementar o Plan Único nun 25%, e o bipartido non o fixo. “O BNG esixe e o PSOE non cumpre. Os nacionalistas, que agora cobran do goberno, perdoan e olvidan. E, mentras, os Concellos esquecidos pola Deputación”, advertiu o deputado do PP.
O gasto social, non é unha prioridade
Tampouco é prioridade o gasto social para o goberno provincial. “Vémolo coas súas residencias, nas que, por certo, o modelo adoitado volve a ser incoherente e contraditorio co discurso que defende o seu partido nesta cámara. A ver se nos pode aclarar que modelo defenden porque aquí o PSOE fala de xestión directa e na Deputación de Lugo fan o contrario, teñen privatizado parte deles”, destacou.
“Gañan vostedes, perden os lucenses”
O orzamento da Deputación de Lugo é 17 veces inferior cos investimentos previstos pola Xunta na provincia. 1.544 millóns fronte aos 92 millóns do provincial consolidado. Por este motivo, Vega preguntou ao socialista: “Vai seguir criticando vostede á Xunta, á administración que máis recursos e esforzo inversor destina á nosa provincia?”.
Para o deputado do PP con estes orzamentos “gañan vostedes porque os lucenses perden. Triunfan os que queren baleirar de contido a Deputación como paso previo para pechala. O bipartido sae máis caro para os lucenses e perde en servizos en investimentos para os lucenses”.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
