Lugo, 11 de decembro de 2020. O Presidente da Deputación de Lugo, José Tomé Roca, e o presidente da Mancomunidade de Municipios da Mariña, Francisco Cajoto, asinaron este venres no Pazo de San Marcos un convenio de colaboración de 25.000 euros para continuar desenvolvendo proxectos para fomentar o turismo na Mariña Lucense.
Tomé Roca subliña que este convenio ten como obxectivo “darlle continuidade e impulso a un proxecto de unidade e de busca de sinerxías para impulsar o desenvolvemento económico e social da comarca da Mariña”. Así mesmo, aseguraque dende a Deputación de Lugo seguiremos colaborando coa Mancomunidade, neste caso en materia turística, unhas das actividades que sufre un maior impacto pola pandemia e estratéxica na comarca”.
O mandatario provincial tamén incide en que “as iniciativas que se desenvolven baixo o paraugas deste convenio teñen que servir para lograr a desestacionalización do turismo, conseguir a diferenciación con respecto a outras zonas e ser a chave que axude a que os visitantes queden a durmir varios días na Mariña”. Tomé Roca subliña que “esta comarca é moi diversa e ofrece múltiples opcións para a persoa que nos visita, por iso debemos aproveitar que non é unha comarca masificada para facerlle saber ao mundo que somos unha opción de primeira para os novos tempos que vivimos”, afirmou José Tomé.
A través deste convenio, a Mancomunidade ten previsto reforzar a súa presenza nas redes sociais e nos medios de comunicación e lanzar iniciativas de promoción e difusión das iniciativas que teñen en funcionamento, como é o caso das Rutas de Artesanía oudas visitas con audioguías nos concellos. Ademais, a agrupación ten previsto continuar creando novas experiencias que fomenten o denominado turismo slow, polo que vén apostando o colectivo de municipios nos últimos anos.
O obxectivo é axudar na reactivación urxente do sector e continuar coa axeitada promoción do xeodestino apostando pola diversificación, en base a un turismo sostible, e por segmentos clave, como son o turismo de natureza, turismo cultural e o turismo gastronómico, pois son o tipo de actividades que motivan principalmente a visita á Mariña. A agrupación de municipios aspira a consolidar e crear produtos en base aos recursos propios, que poñan en valor a súa realidade e permitan posicionarse cunha imaxe facilmente comprensible en torno a aspectos singulares do territorio, como é a hospitalidade, a calidade de vida, a riqueza natural, gastronómica e cultural e o deporte, baseándose na filosofía slow e brindando, tanto ao turista fidelizado coma ao potencial, a posibilidade de viaxar e desfrutar do territorio sen présa, con opcións para afondarno propio e auténtico do xeodestino.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
