Lugo, 2 de decembro. O deputado de Deportes Efrén Castro explicou que “o Pazo e os pavillóns anexos son empregados a diario polos clubs e deportistas de Lugo que o solicitan, tanto para adestramentos como para partidos e competicións”. Esa é a mellor mostra de que as normas de uso das instalacións provinciais están a cumprir co seu obxectivo de conciliar a continuidade da práctica deportiva coa protección da saúde dos deportistas na situación sanitaria provocada pola Covid 19”.
O responsábel da área fixo esta aclaración en resposta á nota de prensa emitida polo Partido Popular cuestionando as normas de uso das instalacións deportivas provinciais. Efren Castro detallou que “as condicións de uso se axustan á normativa establecida pola Xunta de Galicia e ás recomendacións e protocolos marcados polas distintas federacións”.
Efrén Castro acusou ao voceiro popular, Javier Castiñeira, de “mentir” no que ten que ver coa relación da área cos clubs e sostivo que “todos os clubs que o solicitan son atendidos e recibidos. No relativo ao uso das instalacións, facilítase desde o primeiro momento toda a información e explicación precisas”.
O deputado nacionalista sostivo que “está fóra de lugar cuestionar o apoio da área de Deportes aos clubs e deportistas, cando a institución provincial é o principal sostén do deporte base e afeccionado” e lembrou que “preto de 200 clubs de toda a provincia reciben axudas directas para o mantemento da actividade competitiva e da organización de eventos deportivos”.
Práctica do squash
Con respecto ao squash, ao que se refire especificamente o Partido Popular, a área de Deportes aclara que o uso das pistas está asignado os cinco días da semana, de luns a venres, de 17 a 20 usos, para un número aproximado de 20 deportistas.
A autorización de uso indica que a actividade deportiva se fará de forma individual, sen contar, se é o caso, o monitor tal como establece a Consellería de Sanidade na orde do 4 de novembro, que marca restricións específicas para o concello de Lugo. O protocolo federativo prioriza as rutinas de forma individual.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
