A Mariña, a 24 de novembro de 2020. Este martes dá comezo o debate no Congreso das emendas presentadas polos Grupos aos Orzamentos anunciados polo Goberno central para 2021. No caso concreto de A Mariña as peticións dos populares son moi concretas. Trátase de que o Executivo de Sánchez “non soterre” a A-74 e a liña de Feve. Así o expoñen o deputado e vicesecretario de Participación do PP, Jaime De Olano, acompañado da presidenta provincial, Elena Candia, do deputado autonómico, Daniel Vega, do voceiro do PP na Deputación, Javier Castiñeira, e do vicepresidente da FEGAMP e alcalde de Cervo, Alfonso Villares, agardando que o Executivo de Sánchez “recapacite” e teña en conta as emendas para estas dúas actuacións, e para as que o PP propón un investimento superior aos 9,3 millóns de euros.
“O Partido Socialista e os deputados lucenses desta formación en Madrid teñen unha oportunidade extraordinaria para reparar o agravio do seu presidente á nosa provincia e, en especial, á nosa comarca. No pode ser, precisa a dirixente dos populares, que para os principais proxectos que vertebran A Mariña non lles toque nin a pedrea”.
A este respecto, De Olano indica que “no es la primera vez que el PSOE nos trata de esta forma. José Blanco, en su etapa de ministro. enterró también la A-74 y ha sido el gobierno del PP con Mariano Rajoy al frente el que ha tenido que recuperarla. Ahora, es de nuevo el PP de Lugo y el de Pablo Casado el que pretende que non se repita el desprecio a nuestra comarca”, destaca.
E é que as contas presentadas polo Goberno do Estado para o vindeiro ano, precisa o tamén deputado, Joaquín García Díez, “non poder máis decepcionantes para os intereses xerais dos lucenses porque verán afectado negativamente o seu poder adquisitivo co incremento da fiscalidade” (sobre a taxa da prima de seguros, o imposto de bebidas gaseosas, plásticos non reciclables, Internet ou a rebaixa na bonificación no IRPF dos plans de pensións).
Emendas ao detalle
Os populares destacan a necesidade de darlle continuidade de forma decidida á autovía da Mariña lucense, a A-74, para mellorar as comunicacións na comarca e dar servizo a unha das maiores zonas produtoras de madeira, con portos pesqueiros de referencia, un porto de interese xeral do Estado e unha multinacional do aluminio. “Esta importante actuación que xa figuraba no PEIT 2005-2020 atópase paralizada sine die nos proxectos de Presupostos Xerais do Estado para este 2021”, lamentan.
Nesta liña, os populares propoñen investir 2.599.000 euros para o treito San Cibrao-Burela; 2.859.640 euros para o de Foz – Burela, 700.000 euros para Foz-O Carme e 700.000 para o treito O Carme-Barreiros.
E, en materia ferroviaria, os deputados do PP lucense solicitan unha partida de 2,5 millóns de euros para a renovación da liña Vegadeo-Ferrol que permita modernizar as infraestruturas e o material rodante do tren de vía estreita que comunica Ferrol con Ribadeo. A proposta pretende garantir unha partida suficiente para ofrecer un servizo de calidade aos 240.000 habitantes das comarcas de Ferrol, Ortegal e a Mariña lucense que nos últimos anos se viron afectados polo deterioro do servizo en horarios e frecuencias, a redución de persoal, a falta de mantemento e de investimento para a mellora da vía e do material rodante que provocaron constantes avarías e, polo tanto, a redución da mobilidade na comarca.
Emendas provincia
De aceptarse o conxunto de emendas presentadas polos deputados lucenses no Congreso, a dotación inicial veríase incrementada en máis de 44,6 millóns de euros; ademais do beneficio para a nosa provincia da inclusión doutras partidas para Galicia que ascenden que ascenden a un total de 380 millóns de euros.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
