Mondoñedo, 29 de novembro, 2020. O proxecto que se presenta denomínase ‘creación dunha ruta btt de longo percorrido vencellada aos oficios tradicionais’ e está subvencionado mediante un convenio de colaboración entre a Axencia Turismo de Galicia e a agrupación de Concellos de Mondoñedo, A Pontenova e Riotorto.
Neste proxecto desenvolveuse unha ruta para bicicletas de montaña de longo percorrido na que se priorizou o emprego de pistas sen asfaltar de titularidade municipal coa finalidade de promover esta ruta para outras actividades deportivas e/ou culturais que poñan en valor o carácter montañoso dos Concellos e os seus valores naturais e culturais que se poderán coñecer nos máis de 190 quilómetros que conta esta ruta.
O proxecto seguirá evolucionando ao longo dos anos seguintes con numerosas actividades e melloras a esta ruta que pretende ser un referente do BTT a nivel interautonómico, posto que se está a traballar co Concejo de Taramundi para unir ambos territorios mediante un trazado común.
A colaboración entre os Concellos non é casual, se non que é froito dunha estreita relación económica, comercial e social ao longo da historia, o que fixo que dispoñan de peculiaridades patrimoniais vinculadas aos oficios tradicionais que están panelizadas nos tres concellos e que se pretende complementar en Taramundi.
A posta en valor do patrimonio etnográfico, e máis concretamente do relacionados cos oficios tradicionais, estivo centrado na vinculación da poboación destes concellos e das súas actividades coa utilización da auga, prestando especial atención no desenvolvemento dun proxecto que puxera en valor a interrelación do roteiro co patrimonio etnográfico e cos oficios tradicionais no territorio, permitindo desta forma dispoñer dun roteiro deportivo, pero tamén dun roteiro cultural.
Destacan os muíños como eixes da vida no rural, posto que se utilizaron para a transformación dos cereais producidos no territorio, que eran gardados nos hórreos e cabozos unha vez recollidos, e que unha vez moídos eran aproveitando como alimento do gando, pero tamén para facer o pan nos fornos tan tradicionais existentes nestes concellos.
Tamén resulta singular e bastante específico deste territorio o emprego da auga para as actividades propias dos ferreiros, ben sexa coas navallas, como os coitelos, fouciños e outros apeiros que se realizaban ao longo deste territorio.
Non se debe esquecer a importancia do patrimonio inmaterial que está vinculado ao traballo da auga ao longo da historia, así como á acción de auga na creación de covas no solo calcáreo, ou o relacionados coas minas e todo o seu patrimonio industrial existente, que nos permitirá aproveitar e interrelacionar os recursos existentes no territorio.
O obxectivo final do proxecto é seguir poñendo en valor o patrimonio identificado e que se poderá descubrir ao longo do trazado previsto, fomentando o coñecemento e novas experiencias para os visitantes, na busca de que regresen en numerosas ocasións ao territorio.
Os paneis existentes nos Concellos, ademais doutros lugares significativos e nas webs que promocionen o turismo municipal, disporán de acceso aos arquivos GPX para a súa descarga, así como códigos QR co enlace á ruta de longo percorrido, pero tamén a outras rutas parciais que permitirán facer tramos de menor percorrido dirixidos a ciclistas con menos tempo, menos profesionais, ou que queiran segmentar o trazado completo para coñecer mellor o territorio, o que non nos cabe dúbida que sucederá unha vez vaian descubrindo todos os tesouros que esconden estes Concellos.
Esta ruta tamén pretende ser un proxecto colaborativo no que se terá en conta a opinión de diferentes entidades e particulares que poidan complementar e mellorar o trazado actual, así como aportar valor a un proxecto que tamén será de longo percorrido, no que xa está previsto o deseño e instalación de espazos polivalentes BTT nos que os ciclistas poidan dispor de todos os servizos necesarios para facer un mantemento persoal e do seu equipamento á súa chegada, durante o traxecto e antes da súa marcha coa finalidade de que a súa experiencia sexa o máis positiva a nivel de servizos.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
