Santiago, 11 de novembro , 2020. O deputado do BNG, Daniel Pérez interpelou hoxe ao goberno sobre as medidas postas en marcha para facer fronte as consecuencias da Covid-19 sobre o colectivo de empresarios e empresarias autónomos.
O parlamentario do BNG sinalou que transcorreron oito meses para que a Xunta anunciara o plan de rescate dos e das autonómas e denunciou que para moitos e moitas deles as medidas chegan tarde porque están “pechados”.
Daniel Pérez trasladou ao Parlamento as criticas da Asociación de emprendedores de Galiza que responsabilizan ás administracións públicas “da morte do sector hostaleiro” e demandan compensacións. A curto e medio prazo os peches, afirmou o nacionalista, serán inminentes e os “autónomos e autónomas non son o problema, son parte da solución”.
Pérez reclamou “áxiles, directas e suficientes” porque de non se así os autónomos e autónomas afirman que non terán futuro. O colectivo demanda “un rescate” para os hostaleiros e outros sectores e cualifica as medidas de Feixóo de “parches”. Axudas de até 7.000 euros son “insuficientes”. O Presidente de xovenes empresarios da Coruña afirma que os asociados da hostalaría, axencias de viaxes, espectáculos e eventos denuncia a paralización, a falta de traballo e a persistencia dos gastos pero ademais das asociacións, un gran número de persoas denuncian a mesma situación ao que suman compras que non saben si van poder vender.
Daniel Pérez recalcou que as axudas articuladas pola Xunta, a día de hoxe, “son insuficientes” porque non escoitaron a un dos sectores máis golpeados economicamente pola Covid-19. Si a Xunta non escoita ao sector non acertará coas medidas. Deixen a “mercadoctenia” e actúen como goberno, escoiten ao sector, setenciou o deputado.
As axudas son xenéricas e marcadas pola falta de inmediatez, chegan tarde e cada día que pasa “pecha un negocio” que dá sustento a unha ou varias familias, xera riqueza e afecta ao tecido empresarial. O deputado tamén alertou da realidade dos negocios familiares con persoas ao fronte de máis de 50 anos, e preguntou que vai pasar con eles.
Finalmente, o parlamentario preguntou ao goberno polas “axudas directas para gastos correntes” devengados durante oito meses. Daniel Pérez volveu a pedir á Xunta que escoite ao sector e poña en marcha as axudas directas para empresarios e empresarias autónomos cunha “economía estrangulada” polo pandemia.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
