Foz, 20 de novembro de 2020. O alcalde de Foz, Fran Cajoto, pide aos veciños do municipio que actúen coa máxima responsabilidade para evitar novos contaxios de Covid e así intentar ter un mes de decembro o máis tranquilo posible e que sexa positivo para o comercio e a hostalería local.
“Agora estamos en nivel laranxa por Covid no concello de Foz, con entre 14 e 21 casos, aínda non estamos en vermello, pero estamos fondamente preocupados, tanto pola situación sanitaria, porque evidentemente sabemos as consecuencias que pode chegar a ter unha infección por Covid, como pola repercusión económica. O concello veciño de Burela está coa hostalería pechada, coas perdas que iso conleva, durante varias semanas. Iso é o que non queremos para Foz”, explica o rexedor municipal.
Por iso Fran Cajoto pide “a todas e a todos que extremen as precaucións e que na nosa vida privada, no noso comportamento individual, sexamos o máis responsables posible. Hai que evitar xuntanzas con non conviventes nos pisos, non se debe facer ningún tipo de festa privada. Sabemos que hai prácticas que conlevan contaxios e isto ao final ocasiona peches de negocios e perdas económicas moi graves”.
O alcalde de Foz engade: “queremos pasar un Nadal o máis tranquilo posible e que na próxima ponte de decembro os nosos comercios e a hostalería poidan funcionar con normalidade. E iso depende de todas e de todos nós. Por iso pido responsabilidade, compromiso individual e o esforzo de todos. Non podemos baixar a garda en ningún momento, debemos extremar as precaucións”.
Ademais Cajoto considera que “ante unhas datas nas que aumentan as compras temos que evitar as plataformas dixitais e apostar polo comercio local, polas compras a pé de rúa, aos nosos veciños. Iso, aparte de mercar nas tendas de barrio, implica tamén unha actuación responsable na nosa vida individual para que non se vexan abocados a pechar as súas portas por unha onda de contaxios no noso concello. Así que responsabilidade e compromiso de todos”.
O Alcalde de Foz pide a máxima responsabilidade aos veciños para evitar novos contaxios de Covid e intentar ter un decembro o máis tranquilo posible
Relacionado
-
O BNG impulsa no Parlamento galego a construción dun centro de día en Vilalba
-
Ameijide: “Isto é unha pequena vitoria de todos, veciños e do Partido Popular, pero non imos parar porque a rede viaria provincial segue sendo intransitable e perigosa”
-
A Xunta explica que o Concello de Vilalba non presentou a documentación necesaria para declarar a Feira do Capón de Interese Turístico
A Asociación Cultural O Atrio de Vilaronte organiza o VII Alumeado do Nadal de Vilaronte (Foz) que será o domingo 8 de decembro a partir das 19:30h no Atrio da Igrexa. Ademas do acendido haberá chocolate e caldo de pito e contarase coa actuación de Mar Aberto de Foz.
O foro xurdiu por iniciativa propia da comunidade local presente no Camiño de San Andrés de Teixido e coa colaboración dos concellos que comparten este itinerario, pretendendo converterse nun espazo de diálogo construtivo no que potenciar o desenvolvemento e a coordinación entre axentes públicos e privados no territorio.
Trátase dunha embarcación de dúas prazas, con materiais e deseño punteiro que, segundo explicou o presidente do club Jesús Carreira, mellora as condicións nas que adestran e compite a entidade xa que, recoñeceu, a igualdade de condicións físicas e técnicas dos e das deportistas, a calidade das embarcacións é moi determinante nas competicións de remo.
Será con Tarabela Creativa e a súa obra Vaites, Rapariga!!. A cita é na Casa da Cultura ás 19:00 horas.
O sábado 7 de decembro terá lugar unha ruta en Rinlo, no concello de Ribadeo. Un paseo litoral moi interesante que conecta as tres cetarias que serviron para almacenar o marisco deste pobo mariñeiro. O domingo día 8 será un paseo polo casco histórico do concello de Viveiro. Pero ademais visitarase 'Viveiro ante o berce', o belén a tamaño natural máis grande da nosa comunidade que conta con numerosos oficios e nunha ubicación privilexiada. Para máis información e reservas poden facelo a través do teléfono 654 99 68 57.
Un acendido de luces que estivo precedido dun fermoso concerto a cargo da cantante galega Iria Estévez, cunha versión especial de Nadal, que amenizou a espera de todas as persoas que na tarde de hoxe se achegaron ata a Praza da Constitución de Vilalba para presenciar o acendido da iluminación de Nadal.
Instrumentos do mundo da percusión contemporánea, elementos de nova creación, comicidade nas olladas e xogar co efecto sorpresa son as claves deste espectáculo. Catro son os elementos que definen este concerto didáctico e familiar que busca que o enxeño se retroalimente e evolucione, e que a senda da creación continúe a medrar. A cita é ás 18 horas. Prezo da entrada: 2€
