Viveiro, 15 de novembro, 2020. O sector da hostalaría de Viveiro participou este venres nunha video-conversa organizada pola concelleira do BNG, Míriam Bermúdez, onde deron a coñecer en primeira persoa a fonda crise que está a atravesar o sector debido á Covid19 e as medidas que se tomaron para paliar a pandemia.
Xunto coa concelleira Míriam Bermúdez, conversaron os autónomos e autónomas do sector hostaleiro:
Alejandro Balseiro de Hotel Urban,
Alejandro Otero barista profesional de Cafés Candelas,
Ana Belén Pérez de Mesón K2,
Domingo González de Temple Bar,
Jose Manuel Vázquez (Leman) de Galipizza e Dekada,
Jose Rodriguez da Cervexaría Abadia,
Luis López de La Plata Café,
Mirsa Segura de Café Bar Nordés,
Víctor Valenzuela de Restaurante O Muro.
Tamén participou na conversa o deputado autonómico mariñán Daniel Castro, que quixo estar presente para escoitar as demandas da hostalaría de Viveiro e artellar solucións para levar á cámara galega como representante da segunda forza do Parlamento Galego. “Desgrazadamente, o impacto que tivo a Covid19 nos autónomos galegos e galegas, foi moito maior que no resto do estado, desde setembro de 2019 até setembro de 2020 hai concretamente 1500 autónomxs menos que tiveron que pechar”, datos que destacou o deputado, e asegurou “que se pode actuar, só se necesita de vontade política”.
Trasladou tamén o Deputado Daniel Castro, a iniciativa do Bloque Nacionalista Galego para poñer en marcha un plan de rescate integral para o sector hostaleiro e turístico financiado co fondo COVID da UE, no que se demandan 30 millóns de euros en axudas directas para poder compensar cando menos o 50% das perdas, o que supón duplicar o anuncio de 12 millóns de euros feito desde a Xunta.
Míriam Bermúdez asegura que este sector está a ser “maltratado”, polo que era de xustiza organizar esta video-conversa para visualizar a situación na que se atopan tantas familias, cun presente e futuro incerto, ao cal “non é de recibo obrigarlles a que baixen a verxa e que non teñan ingresos mentres lles continuan chegando os recibos”. “Queríamos escoitar as posíbeis iniciativas que podiamos desenvolver a nivel local no Concello e autonómico no Parlamento Galego, para mellorar a situación deste sector que abarca a moitos máis que non se teñen en conta como distribuidores e produtores.”
A concelleira recoñece que ve neste sector unha situación moi complicada cando desde un ente superior lles están impedindo traballar.
As demandas e preocupacións que lle trasladaron ao BNG, poderían resumirse no seguinte:
A necesidade de poñer en marcha de maneira inmediata axudas directas das distintas administracións sen que estas veñan a través das entidades bancarias.
Estudar a posibilidade de non ter que devolver o diñeiro investido neste sector. Hai grandes empresas ás que se lles inxectou diñeiro público para que puidesen seguir coa actividade e non o devolveron. A hostalería non tería por que verse discriminada nesas mesmas circunstancias.
Valorar a exención de impostos a nivel municipal (lixo, terrazas…) tendo en conta que non se puido levar a cabo a actividade, mantendo este mesmo criterio no 2021 xa que se prevé que a situación sanitaria continuará gran parte do ano.
Maior transparencia e anticipación nas medidas que a administración da Xunta ou do Estado poidan levar a cabo e que afecten a este sector. Pódese prever con días esas medidas e non dun día para outro, co fin de que se poida calcular o stok de mercadorías.
Lembran que a hostalaría é o último eslabón dunha cadea que afecta a numerosas empresas e particulares productores. Hai moitos sectores que se ven afectados se non hai actividade hostaleira. Xenera moita preocupación a situación dos empregados e empregadas que traballan nos distintos establecementos da nosa localidade. Manteñen que os ERTE son un arma de doble filo porque vía declaración da renda, débese devolver parte dese importe. Consideran tamén que os tempos mudan e con eles as necesidades e demandas da clientela. Non se pode facer frente a esas nova situación sen ‘ reiventarse’ pero para eso necesítase realizar inversións económicas que neste momento non se poden permitir.
O BNG de Viveiro agradece a asistencia dos participantes na video-reunión e comprométese a facer chegar estas demandas a todos os foros onde ten presencia, comezando no inmediato por propoñer ao goberno local aquelas que son de carácter municipal.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
