Lugo, 3 de novembro de 2020. O Deputado de Promoción Económica e Social, Pablo Rivera Capón, xunto ao tesoureiro da Confederación de Empresarios de Lugo (CEL), Jorge Somoza, e o especialista en Medicina do Traballo, Santiago Díaz de Freijo, presentaron este martes na Sala de Xuntas a Guía Información Xeral sobre a COVID-19 para traballadores e empresas, unha publicación elaborada pola CEL grazas á colaboración da institución provincial que recolle unha compilación de documentos técnicos que o Ministerio de Sanidade foi publicando ao longo do desenvolvemento da pandemia.
Esta guía, explicou Pablo Rivera, “está pensada como unha ferramenta práctica para que os traballadores e traballadoras, e as empresas coñezan o virus e saiban como afrontalo e previlo”.
O Deputado de Promoción Económica e Social destacou que, dende o inicio da crise sanitaria provocada pola pandemia da COVID-19, “na Deputación de Lugo tomamos medidas moi rigorosas nos nosos centros de traballo e de servizos para evitar na medida do posible a propagación do virus. Adiantámonos en moitas ocasións aos propios protocolos marcados polas autoridades sanitarias, como foi no caso dos Centros de Atención a Maiores para minimizar riscos nun dos colectivos máis vulnerables ante o virus. Pero ademais de todo iso, colaboramos co tecido produtivo da provincia para axudar a previr a COVID-19 e combater a súa propagación”.
Hoxe, salientou Pablo Rivera, “presentamos un novo froito dese traballo conxunto”, unha guía “que segue a liña que marcou o Presidente para intentar axudar e previr o risco de contaxios na provincia, na medida das nosas posibilidades e competencias. Este tipo de iniciativas son un exemplo do noso compromiso de primar a prudencia e a anticipación sempre que se poida. Son un espello da nosa filosofía, que aposta pola transparencia, a colaboración e o traballo conxunto, compartindo información para compartir responsabilidades. Ese é o camiño que nos parece eficaz”.
Actualización constante
O coordinador da guía, Santiago Díaz de Freijo, resaltou que a elaboración desta ferramenta se iniciou en maio co inicio da desescalada, tralo primeiro período de confinamento, “a fin de contar con información precisa para asesorar ás empresas, e que se actualizou neste mes de setembro en plena segunda ola, dadas as novas evidencias e o avance no coñecemento sobre a enfermidade causada por este novo virus, así como nas técnicas para o seu diagnóstico precoz”.
Díaz de Freijo apuntou que “é posible que, co paso do tempo, algúns dos conceptos e medidas preventivas contempladas na guía se vexan sobrepasados por outros novos coñecementos e estratexias, polo que será necesario realizar un seguimento e actualización constantes tomando como referencia as publicacións técnicas das autoridades autonómicas e estatais”.
Xornadas COVID-19 por toda a provincia
A guía distribuirase en formato dixital de libre descarga a través da www.cel.es. Así mesmo, a Deputación e a CEL repartirana impresa aos asistentes das xornadas Protocolos de actuación en impacto da COVID-19 no ámbito empresarial.
Estes encontros están previstos para os días 11 de novembro, en Lugo; 18 de novembro, en Monforte de Lemos; e 2 de decembro, en Viveiro; en horario de 9:30 a 14:00 horas. A previsión é celebralos de maneira presencial, aínda que isto dependerá das medidas que vaian decretando as autoridades sanitarias fronte á pandemia.
En canto á temática, subdividiranse en dúas partes, una máis sanitaria e outra xurídica. Na primeira parte, baixo o título Prevención da COVID-19 en contornas laborais: visión técnica e protocolos de actuación, participarán Santiago Díaz de Freijo e dúas empresas de Lugo con servizos específicos relacionados coa nova enfermidade: o Instituto de Estudios Celulares e Moleculares (ICM) e AMSLab.
A segunda parte da xornada abordará o impacto para a empresa no ámbito xurídico da COVID–19, da man de José Antonio Varela Agrelo, presidente en funcións da Audiencia Provincial de Lugo; Félix Mondelo, decano do Colexio de Avogados de Lugo, e Félix Méndez, avogado de Obradoiro Legal.
As prazas son limitadas e cubriranse por rigorosa orde de reservas, dando preferencia a empresarios e emprendedores. As persoas interesadas en obter máis información sobre o programa e as inscricións poden dirixirse á web www.cel.es ou chamar ao 982.23.11.50. Nas xornadas, que gardarán na súa organización as debidas medidas de prevención, entregarase un kit gratuíto para a prevención da COVID-19 conformado pola guía, xel e mascarillas.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
