Ribadeo, 25 de novembro de 2020. A segunda edición da campaña das Panchas, a moeda local ribadense, amplíase ata o vindeiro 5 de xaneiro. Así se aprobou no pleno celebrado onte, co obxectivo de beneficiar ao sector comercial e hostaleiro, que se están a ver moi afectados pola pandemia do covid-19. A partires do 1 de decembro poñeranse en circulación outros 2.000 novos packs de panchas, cunha estimación de volume de negocio de 80.000 euros, que se suman aos 150.000€ da primeira parte da campaña, que a piques está de rematar.
O concelleiro de Desenvolvemento Local e Comercio, Pablo Vizoso, dixo que “nun dos puntos presentados polo equipo de goberno no pleno celebrado onte propuxemos e aprobamos a ampliación e a modificación da campaña das panchas, a nosa moeda local, para que se poida seguir desfrutando pola poboación e beneficiando aos establecementos comerciais máis alá do 1 de decembro, concretamente amplíase ata o 5 de xaneiro de 2021, cubrindo así a totalidade da época do Nadal”.
O edil ribadense subliñou que “esta ampliación está motivada principalmente para beneficiar ao sector comercial e hostaleiro de Ribadeo, que se está vendo afectado pola situación sanitaria e de restricións actual, e tamén para estimular o consumo e as compras por parte de toda a veciñanza e dese xeito seguir apostando por un Ribadeo activo, e todo un referente na comarca do comercio de proximidade, diverso e de calidade, e da nosa significada hostalería”.
Vizoso Galdo indicou que “para abordar esta ampliación facemos unha inversión económica de máis de 20.000 euros, procedentes na súa totalidade de fondos propios do Concello, o que supón poñer en circulación dous mil novos packs de panchas e unha estimación de volume de negocio no comercio de Ribadeo dun mínimo de 80.000 euros máis, que hai que sumar aos 150.000 euros que se estima que xeraría a campaña inicialmente prevista”.
E engadiu que “para facer esta campaña aínda máis atractiva, decidimos tamén suprimir o límite actual de compra de tres packs por persoa e así, a partires do próximo 1 de decembro calquera persoa maior de idade poderá adquirir os packs que necesite sen ter en conta esa limitación. Quero aproveitar para agradecer a colaboración que ACISA e ABanca están prestando para o desenvolvemento desta campaña e animo ao todos os veciños e veciñas de Ribadeo e dos concellos da nosa comarca a seguir comprando en clave local, e dando valor aos nosos sectores identificativos como unha vila activa, dinámica e aberta”.
Covid-19
Por outra banda o concelleiro de Desenvolvemento Local explicou “no pleno de onte tamén se debateu unha moción presentada polo Partido Popular sobre medidas fiscais con motivo da pandemia da Covid-19, que non prosperou porque se trataba dunha proposta das que poderíamos denominar como tipo e que en gran parte se limitaba a solicitar actuacións nas que os Concellos non teñen competencias, ou solicitar medidas que ou ben xa foron implantadas polo Concello de Ribadeo ou ben se seguen a adoptar e xestionar de forma continuada. O que si quedou en evidencia, no debate desta proposta, é a falta de compromiso amosada pola Xunta e tamén por outras administracións para combater e paliar as consecuencias socioeconómicas da pandemia porque nos deixan aos Concellos totalmente sos, cos poucos recursos dos que xa dispoñemos, e seguimos agardando a que se reciban os fondos comprometidos, sexan europeos, estatais ou autonómicos, para axudar ás empresas, aos autónomos, e en definitiva reactivar a economía. Creo que non son tempos para considerarnos como gobernos amigos ou doutro tipo entre uns e outros, senón que son tempos de traballar de forma colaborativa para saír desta situación canto antes e da mellor forma posible”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
