Lugo, a 27 de outubro de 2020. O Grupo Provincial do PP ofreceu a súa colaboración para a elaboración dos orzamentos da Deputación de Lugo para o ano 2021. Así o trasladou de novo o voceiro, Javier Castiñeira, despois de facer público este ofrecemento días atrás reclamando a convocatoria dunha sesión da Xunta de Voceiros a través dun e-mail dirixido directamente á Presidencia ou da Comisión de Economía, Recadación, Facenda e Especial de Contas.
O popular reclamou, polo tanto, unha reunión de forma inmediata de tódolos grupos para traballar “na elaboración dun orzamento que teña en conta as consecuencias da crise provocada pola covid-19 e que non deixe atrás a ningún concello, colectivo ou veciño da provincia”.
Castiñeira sinalou que a recuperación económica, o emprego e o mantemento das infraestruturas son as principais preocupacións dos populares. Así, en relación ás infraestruturas, os populares pediron, concretamente, unha partida orzamentaria nos orzamentos da vindeira anualidade para acometer o arranxo dos seis quilómetros que faltan da estrada LU-P-1301, que comunica Folgoso do Courel e Pedrafita do Cebreiro. Igualmente, sinalaron a necesidade de realizar obras de mellora e acondicionamento nos accesos ao núcleo de Pintín (Sarria) da estrada LU-P-5602 Samos – Pintín – Sarria; así como a limpar as cunetas e encauzamentos de augas.
Estes son dous exemplos do mal estado no que se atopan as vías provinciais que dependen da delegación de Vías e Obras que dirixe o propio presidente e que se atopan nun estado de “abandono” tal e como sinalou o deputado José Antonio García. Entendendo que Tomé está a descoidar esta delegación porque cren que “non da para máis”; xa teñen proposto que ceda a área a outro deputado do Goberno.
Recuperación do IVE do 2017 e nova lei sobre a ocupación ilegal de vivendas
O Grupo Provincial do PP propuxo instar ao Goberno a que ingrese ás entidades locais as contías do IVE non liquidadas correspondentes ao exercicio 2017 como consecuencia da implantación do subministro inmediato de información (SII) que supuxo un desprazamento de ingresos do ano 2017 ao ano 2018. A través desta moción súmanse ao Goberno galego, a FEMP e a FEGAMP que teñen reclamado unha solución en varias ocasións.
Os populares pediron que o Ministerio de Hacienda ingrese á Deputación de Lugo os 3.992.688,74 euros que lle corresponden en concepto de liquidación do IVE do ano 2017. Castiñeira sinalou que coa recuperación destes cartos a Deputación podería asinar convenios tamén cos Concellos da provincia que non son gobernados polo PSOE e indicou que “como sabemos que non o van facer, propoñemos dirixir eses fondos ao plan pos-covid para dar axudas ao tecido empresarial e produtivo da provincia que o Goberno provincial rexeitou”.
Por outra banda, propuxeron que o Goberno da Deputación se dirixa ao Goberno de España para que inicie os trámites que permitan mellorar o marco normativo que regula o delito de usurpación de inmobles para combater más eficazmente a ocupación ilegal de vivendas. Sinalaron os populares os problemas que sofren os veciños da cidade de Lugo en determinados barrios por mor da “usurpación” de vivendas, casos que tamén se están a dar noutras localidades coma Sarria ou Monforte.
Sanidade
O Grupo Provincial do PP sinala que “agora mesmo os servizos cos que conta o hospital de Monforte axústanse a criterios técnicos” e defende que “os 15 millóns de euros que prevé investir o Goberno galego no hospital de Monforte desminte os argumentos do PSOE”. Nese sentido, o vicevoceiro segundo, José Antonio García, lamentou que “non sexan capaces de recoñecer a inversión e a calidade da asistencia sanitaria galega” e sinalou que “o PSOE leva sistematicamente 10 anos atacando ao Goberno de Feijóo; pero agora mesmo ninguén os toma en serio”. Proba delo é que “os galegos non lles compran nada como demostran cada catro anos” e, concretamente, na provincia de Lugo defendeu a inversión no hospital da Mariña e no hospital de Monforte.
García sinalou tamén que o PSOE “non foi capaz de concretar ese desmantelamento do que falan porque hai un orzamento récord por parte do Goberno de Galicia de 12.000 millóns de euros para sanidade”. Así mesmo, destacou que “non só a Xunta foi investindo; senón que foi aumentando servizos. Imos ser realistas: vostedes criticaron a lei sanitaria de Galicia cando foron os que a anunciaron”, explicou.
Os populares abstivéronse na votación da proposta do BNG igual que sobre a proposta do Grupo Socialista para reclamar á Xunta que cubra a praza de médico vacante por xubilación no Concello do Saviñao ao rexeitar as emendas que presentaba o Grupo do PP coas que pedían incluír tamén que se cubriran “todas as prazas vacantes da provincia onde sexa necesario” e suprimir a parte na que se pedía que a Xunta poña fin á política de recortes na Sanidade Pública Galega.
A deputada Lola Castro sinalou que, como alcaldesa, “o maior recorte que percibín foi co bipartito” e, como deputada, engadiu que “non é verdade” o que o PSOE traslada; xa que “a Xunta está ampliando o centro médico” que supón un investimento de máis dun millón de euros.
A popular pídelle aos socialistas que “non sexan populistas, non creen alarmismo e non creen problemas onde non existen porque nunca se dixo que se fose eliminar esa praza”. Explicou que “cando se xubilase o médico que na actualidade se atopa de vacacións, se cubrirá a praza segundo a normativa do Sergas” e, polo tanto, “o centro continuará a contar con tres facultativos como ata agora”. Castro cre que o PSOE non debe crear alarma social e que pídelles que “sexan serios cun tema como é a sanidade”.
Reapertura das instalacións deportivas e fluviais da provincia
O Grupo Provincial do PP interesouse por coñecer se o goberno provincial ten algún proxecto, plan ou previsión para a reapertura das instalacións fluviais de Augasmestas, as instalacións deportivas e recreativas de Portomarín, as instalacións do Club Náutico de Belesar – Presa e a cafetería do Embarcadoiro Ponte do Sil.
A diferenza do que manifestara a voceira socialista noutro pleno, nesta ocasión rexeitou dar unha data para a posta en funcionamento destas instalacións da Deputación de Lugo.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
