O alcalde, Alfredo Llano, a concelleira de Inmigración e Cooperación, Noelia Ben, e a técnico de Inmigración, Conchita Pernas, acompañaron á asociación cultural Batuko Tabanka este venres en Lugo

A Asociación de Escritores en Lingua Galega distinguiu este ano co galardón Mestras da Memoria a Batuko Tabanka en recoñecemento á conservación e promoción da cultura popular de Cabo Verde a este grupo de mulleres africanas, asentadas na Mariña. No acto, que tivo lugar na Deputación, compartiron protagonismo co músico Emilio Españadero, que recibiu o título de Mestre da Memoria. Alfredo Llano e Noelia Ben amosáronse “moi orgullosos por este galardón a Batuko Tabanka”.