Tratouse dunha nova iniciativa de voluntariado de recollida de lixo enmarcada no programa Coida Cervo, impulsado desde as delegacións de Medio Ambiente e Ecoloxía, do Concello de Cervo.
Nesta ocasión recolléronse uns 20 quilogramos de refugallos, entre os que destacan varios cubrebocas, cabichas, latas e envases.
Desde o Concello, con esta iniciativa aberta á veciñanza e que se realizará como mínimo dúas veces ao mes, queren poñer o foco na importancia de respectar a nosa contorna con simples hábitos no noso día a día, que non supoñen esforzo e cos que, sen dúbida, gañamos toda a cidadanía.