O técnico burelao Javier Pardeiro regresa esta tempada á estrutura laranxa para responsabilizarse do equipo, con Pancho García como preparador físico e Diego Luna como delegado. Continúan no proxecto as Xoias Jorge Quelle, Antonio Baltar, Edmilson Correia, Jocel de Brito, Isaías Fidalgo, Xosé López, Isaac Regueira, David Méndez e Gustavo Henrique Marchesán. Como novidades estrearanse de laranxa Silverio da Moura, Christian Marcelo de Brito, Gerson Micael Gonçalves e Flavio Mendes.
Tras o aprazamento do inicio do Grupo 1 previsto para o 17 de outubro, os dous primeiros enfrontamentos deberán marcarse de mutuo acordo, con Santiago Futsal para a xornada 1 e Cementos Carral O Parrulo para a 2, antes do final da primeira volta.
Novas incorporacións
Se algún rapaz nado entre 2002 e 2004 está interesado en pertencer ao equipo pode poñerse en contacto co club a través de escuelasdeportivas@burelafs.org ou 670321857.