Ribadeo, 29 de outubro de 2020. O voceiro do Grupo Municipal do Partido Popular de Ribadeo e tamén deputado autonómico, Daniel Vega, amosa a súa “indignación” pola actitude e valoracións realizadas no día de hoxe polo alcalde e a deputada provincial do BNG respecto da estrada dos Garitos. E é que foi precisamente o popular o que levou este asunto ao pleno municipal e lle confirmou ao rexedor que a Xunta de Galicia dispoñía de orzamento para acometer a mellora desta vía. Tal é así que Daniel Vega lle comentou ao alcalde nacionalista que se puxese en contacto co Goberno galego para asinar un convenio ou incluso solicitar unha axuda no marco do Plan Urbe. A resposta de Fernando Suárez foi un si.
Por este motivo, Daniel Vega censura “o cinismo” dos nacionalistas e pregunta directamente “por que o Sr. Suárez lle prohíbe á Xunta de Galicia investir nesta estrada”. O popular lanza esta pregunta porque, ademais, o propio alcalde mantivo recentemente un encontro co delegado autonómico en Lugo e nada lle comentou ao respecto deste asunto.
“Suárez vive moi cómodo nun martirio irreal”
Esta situación leva ao popular a concluír que o alcalde de Ribadeo “vive moi cómodo nas manifestacións de martirio irreal de que a Xunta non dá, de que a Xunta non inviste en Ribadeo….” pero isto, subraia, “é faltar á verdade porque aí están o saneamento de Rinlo, as obras nas infraestruturas da zona rural, na rúa Pintor Fierros -na que achega o 82% do orzamento-, 75.000 euros en axudas para o comercio, etc…..”.
Con todo, pídelle ao rexedor que non descarte a posibilidade de asinar un convenio coa Xunta porque esta “vai a dicir que si, xa que nunca dixo que non”, sentencia.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
