A Mariña, 21 de outubro de 2020. A iniciativa Cociñando A Mariña Lucense, posta en marcha pola Mancomunidade de Concellos da Mariña Lucense en colaboración coa FCAM e co apoio da Axencia de Turismo de Galicia, lanza un concurso de vídeo-receitas para o público xeral despois de ter dado a coñecer o traballo dos distintos produtores existentes no territorio durante case un mes. O certame desenvolverase do 23 de outubro ao 22 de novembro e haberá interesantes premios para os tres gañadores.
Desde a Mancomunidade explican que “o obxectivo desta iniciativa no seu conxunto, pasa por posicionar a comarca como referente do turismo gastronómico e por poñer en valor aos produtores, aos produtos e á gastronomía local. Trátase dunha acción de resposta á actual crise sanitaria que está a sufrir o sector, apostando por revitalizar os recursos endóxenos e situar á comarca como un destino turístico gastronómico. Unha iniciativa ecogastronómica novidosa coa que dar a coñecer os produtores e alimentos da comarca, onde se convida á hostalería a cociñar elaboracións con produtos locais a través de vídeo receitas e onde se convida a participar á cidadanía nun concurso de receitas de gastronomía local mariñá”.
E indican que “participar neste concurso é moi sinxelo. Só hai que gravar en vídeo unha receita elaborada cos alimentos que se producen na Mariña Lucense como ingredientes principais do cociñado. Gañará a vídeo-receita máis orixinal, que facendo uso de alimentos da Mariña Lucense, mostre tradición e innovación, tanto na realización do vídeo como na elaboración da receita”.
Os premios do concurso buscan dar a coñecer e desfrutar aos premiados dos recursos tan valiosos da comarca.
1º Premio:
-Fin de semana no Hotel Rías Altas de Barreiros para dúas persoas, para vivir unha experiencia de turismo slow.
2º Premio:
-Ruta da Faba de Lourenzá para dúas persoas. Trátase dunha experiencia turística completa que combina arte, natureza, gastronomía e cultura local.
3º Premio:
-Cesta de alimentos da Mariña Lucense para degustar no fogar das delicias desta comarca.
Dende este venres, día 23, ata o día 22 de novembro ás 00:00 pm, que será cando se peche o concurso, poderán enviarse a cocinando@amarinalucense.gal as vídeo-receitas. Logo procederase á selección dos 3 finalistas por parte do xurado, que estará composto por profesionais do sector da hostalería e do comercio, entre outros. Poden consultarse as bases do concurso na web amarinalucenese.gal na sección do proxecto Cociñando A Mariña Lucense.
Desde a Mancomunidade engade que “para buscar inspiración para o concurso, a hostalería local colabora coas súas propias vídeo-receitas coas que mostrar o exemplo de cociñado dos alimentos da Mariña. Actualmente en plena gravación mañá, xoves, comezará a divulgación das 17 receitas a través das redes sociais de Turismo da Mancomunidade e do seu canal de Youtube. Foron 16 restaurantes que accederon a participar e tamén colabora o IES de Foz gravando con dous alumnos de Hostalería, un do módulo de adultos e o outro do módulo ordinario, a súa receita”.
Os locais participantes son: O Asador e o restaurante panorámico do Hotel Thalasso Cántabrico Las Sirenas, de Viveiro; Pizzeria Onde Sempre e Lugar das Marías, de Xove; Casa Miranda e Sargo, de Burela; Mesón O Tangarte, O Descanso e Xoíña, de Foz; O Asador del Alba e Rías Altas, de Barreiros; O Mazo de Ferreira Vella, de Riotorto; e O Lar de Manolo, O Marinero, Araucaria Gastronómico e Hotel-Restaurante Javier Montero, de Ribadeo.
O presidente da Mancomunidade de Concellos da Mariña, Fran Cajoto, asegura que “cremos na gastronomía local e no turismo gastronómico, e especialmente naquel que se asenta nos produtos de proximidade e de tempada como unha forma de diversificación do xeodestino en base aos recursos propios, desenvolvendo unha tipoloxía de turismo de calidade que nos permite atraer a curto prazo a un viaxeiro que realiza un gasto medio mais elevado que o turista tradicional, tamén de desestacionalización (cada época do ano a terra e o mar co traballo dos produtores, cociñeiros e cociñeiras permiten elaborar unha oferta diferente) e descentralización (temos produtos locais e hostaleiros con moito que ofrecer tanto nos 8 concellos de costa coma nos 8 de interior) da actividade turística e, en definitiva, de desenvolvemento local impulsando accións que promovan circuítos curtos e unha relación directa entre consumidores e produtores. Por iso nace Cociñando A Mariña Lucense, unha iniciativa que antes da pandemia se pensaba realizar de xeito presencial cunha xornada coa que axudar a poñer en contacto aos produtores locais co sector da hostalería e que tivemos que adaptar aos tempos que corren e a un formato mais dixital”. Cajoto anima á poboación mariñá a participar no concurso de vídeo-receitas, que arrinca este venres: “algún Carlos Arguiñano ou Pepe Solla andará escondido nas nosas casas… ¡esperamos que todo o mundo se anime a participar!”
As persoas interesadas en obter máis información poden consultar a web amarinalucense.gal na sección da iniciativa Cociñando A Mariña Lucense e en:
@A Mariña lucense turismo
@visitamarinalucense
@amarina_turismo
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
