Foz, 7 de outubro de 2020. A Escola de Música Municipal Arcadio Mon, de Foz, comezou o curso 2020-21 con arredor de 200 alumnos, con idades entre os 4 e os 70 anos. “É unha cifra que, a pesar das circunstancias, se mantén no número do curso pasado, o cal é moi satisfactorio”, destaca a concelleira de Cultura, Inés López Couto, que explica que o centro “manterá tódalas actividades lectivas cumprindo coas normas de seguridade e hixiene reflectidas no plan de adaptación que leva a adecuar as aulas así como a contar con novos espazos que fagan posible a continuidade da actividade lectiva”.
O responsable da Escola, Felipe Sánchez Fernández, amosa o seu “contento pola resposta dos usuarios que seguen a confiar no centro e pola implicación, disposición e entusiasmo do plantel de 7 docentes que desexan sacar adiante o curso”. Tamén quere mostrar o apoio institucional, que considera fundamental e máis se cabe nunha situación coma esta.
Aínda que algunhas das actividades programadas non poderán realizarse por mor da situación actual, o centro ideará alternativas que permitan amosar o traballo da escola, como viñeron facendo xa no curso pasado, no que se puido gozar das audicións virtuais.
Felipe Sánchez destaca que “o abanico nas posibilidades de ensinanza da escola fai que cada ano se vexa incrementada a demanda e nalgúns casos se conte con lista de espera”.
A edil de Cultura incide en que “se seguen todas as medidas de hixiene e seguridade, que este ano por mor do COVID se incrementaron para que todo o mundo poida acudir á escola de forma segura. Ademais todos os profesores pasaron probas COVID antes do comezo do curso, medida que nos pareceu absolutamente imprescindible para que tanto profesores como alumnos comecen o curso con todas as garantías”.
“Dende o Concello queremos agradecer a enorme implicación do claustro de profesores, que fai que a escola sexa un referente e que só escoitemos boas palabras por parte do alumnado”, indica López Couto, quen engade que “a Escola de Música de Foz, que cada ano continúa en crecemento, incrementou este ano as horas do profesorado e mellorou as condicións das aulas para poder ofrecer un mellor servizo. Continuarase nun traballo en conxunto da Concellería de Cultura e a dirección do centro para aplicar as melloras necesarias e que este continúe sendo un espazo de aprendizaxe e goce da música”.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
