Foz, 7 de setembro de 2020. As oficinas de turismo de Foz rexistraron preto de 7.500 visitantes durante os pasados meses de xuño, xullo e agosto.
O concelleiro delegado de Turismo, José María Linares, explica que “neste verán 2020, condicionado pola pandemia, pasaron pola oficina de turismo de Foz así como polo punto de atención turística da Basílica de San Martiño, instalado na casa reitoral para facer algunha consulta sobre a Mariña, rutas, aloxamentos, actividades e ocio, preto de 7.500 persoas, das cales un 40 por cen pernoitaron en Foz. A ocupación hoteleira estivo por enriba dun 25 por cen no mes de xullo e dun 80 por cen, superando o 90 por cen algúns fin de semana, no mes de agosto. Por comunidades autónomas destaca Galicia no mes de xuño e Madrid nos de xullo e agosto cun porcentaxe maior ao 40 por cen. Seguen Castela e León, País Vasco, Cataluña, Andalucía e Asturias”.
José María Linares valora estas cifras “de forma positiva, dadas as circunstancias cunha pandemia que afecta a todo o territorio nacional. Se xuño e xullo non foron especialmente bos no mes de agosto as visitas aumentaron considerablemente. A desescalada ou desconfinamento por fases e desigual por comunidades autónomas afectou significativamente a esta comarca, e a Foz concretamente, xa que a maioría dos visitantes e turistas son da comunidade autónoma madrileña, nunha fase máis atrasada da desescalada. O confinamento da Mariña a primeiros de xullo tamén supuxo un duro golpe para o turismo e polo tanto para o comercio local, hostalería e restauración. Non obstante, o turismo foi en aumento na segunda quincena de xullo e no mes de agosto. Nisto influíu a mobilidade por todo o territorio nacional e o gran esforzo de promoción e reactivación turística realizado dende o Concello, a Mancomunidade, a FCAM e ACIA Foz para dar a coñecer o xeodestino A Mariña Lucense, con campañas como Volve a encontrar o Norte, os roteiros por distintos lugares da Mariña lucense, as iniciativas Comercio na rúa ou Degusta A Mariña, que converteron a esta zona en protagonista”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
