Lugo, a 25 de setembro de 2020. A presidenta provincial do PP, deputados e senadores por Lugo mantiveron esta mañá na capital lucense un encontro con representantes da Federación Provincial de Asociacións de Veciños e da Asociación de Jubilados y Pensionistas Lugo. Como sinalou a presidenta provincial, o obxectivo da reunión estivo enmarcada “no exercicio de proximidade e do compromiso que temos de posta a disposición dos veciños e veciñas para trasladar as súas reivindicacións as institucións nas que temos representación”. Neste encontro, desenvolvido na sede do PP de Lugo, abordáronse tres asuntos: ferrocarril, pensións e ocupación de vivendas.
.
Elena Candia explicou: “Fixemos un convite a que se sumen ambas entidades a defender as infraestruturas ferroviarias na nosa provincia. Pasa o tempo e as frecuencias non se repoñen, non se cumpren os prazos nin se avanza nas obras comprometidas no seu momento; como dixemos hai uns meses, se non tiñamos unha resposta positiva, fariamos unha actividade política intensa e unha fronte común coa veciñanza e a sociedade civil”. Respecto a esta cuestión o senador José Manuel Barreiro e o deputado Joaquín García Díez explicaron as iniciativas presentadas no Congreso e no Senado. Barreiro avisou do risco de que os recortes derivados da crise económica supoñan frear as inversión previstas en Lugo en materia ferroviaria.
Por outra parte, a presidenta provincial do PP sinalou: “Analizamos tamén o resultado dunha votación no Senado que nos deixa profundamente preocupados; os grupos políticos de PSOE e Podemos votaron en contra de protexer e non conxelar as pensións e os salarios dos funcionarios”. Barreiro, pola súa parte, avisou: “Corremos o risco, non só de conxelación, senón de recortes do nivel que houbo en Grecia. Temos que ser moi reivindicativos”.
Por último, neste encontro tratouse sobre o problema da ocupación de vivendas. Candia indicou que “recentemente escoitamos a alcaldesa de Lugo e aos seus socios de goberno dicindo que Lugo é unha cidade allea a este problema, unha afirmación verdadeiramente sorprendente despois dos serios incidentes vividos nestas últimas semanas na capital lucense” Engadiu: “Comprobamos que é algo que preocupa aos veciños, poñémonos a súa disposición para conseguir mecanismos que protexan contra estas agresións á propiedade. Reivindicamos ser escoitados e poñemos en marcha accións na rúa para sumar apoios, e desta maneira facer rectificar ao Goberno de España”. Explicou que o PP empeza a recoller sinaturas para conseguir cambios legais que poñan coto a ocupación de vivendas.
A este respecto, o senador José Manuel Barreiro indicou que os cambios que propón o PP se resumen en: desaloxos en 12 horas, castigos con penas de cárcere para quen acceda as vivendas con violencia, impedir o empadroamento en vivendas ocupadas, que as comunidades de veciños poidan tomar medidas legais e que tamén as persoas xurídicas poidan tramitar os desaloxos. Sobre este asunto o deputado Joaquín García Díez indicou que faltan directrices claras á Policía, seguramente por intereses políticos.
A federación veciñal estivo representada polo seu vicepresidente primeiro e portavoz, Fernando Rois, así como por Luís Abel e Flora Rubinos. Rois recordou as numerosas accións reivindicativas desenvolvidas pola plataforma Lugo non Perdas o Tren e explicou que para este colectivo non é suficiente con recuperar os servizos anteriores a pandemia. Explicou que seguirán adiante coas súas reclamacións. En canto as pensións, destacou á necesidade de que se garantan mediante o Pacto de Toledo, porque “sen pacto non temos garantías”. Cualificou o das ocupacións como “un dos conflitos importantes en Lugo” e defendeu os desaloxos inmediatos, aplicación de penas de cadea e incluso a posibilidade da retirada de pensións non contributivas aos infractores. Destacou tamén a necesidade de máis vivenda social.
A Asociación de Jubilados y Pensionistas Lugo estivo representada polo seu presidente, Julio Méndez, e o seu secretario, Manuel Méndez. O presidente lamentou que non se dera participación aos representantes directos dos pensionistas no Pacto de Toledo, porque non se senten representados nin por sindicalistas nin por empresarios, e -dixo- entre os xubilados hai grandes especialistas en moi diversas materias. O senador Barreiro comprometeuse a dar traslado institucional a esta demanda dos pensionistas.
A súa visita fixo as delicias dos nenos e nenas este sábado, 21 de decembro.
Visitantes de toda Galicia e doutras partes de España acudiron á carpa instalada na Praza da Constitución. López agradeceu o labor do Concello e da Alcaldesa, a participación e o bo facer dos produtores e puxo en valor a alta calidade do produto. “Dende a Deputación de Lugo estamos e estaremos sempre do lado do sector primario e por iso, como non podía ser doutra maneira, colaboramos coa proxección desta cita. Estamos ao carón de todas as persoas que traballan para manter vivo e impulsar o rural”, valorou.
E antes de repartir ilusión, o Concello de Cervo encargoulle que fixese unha parada co seu elfo no centro de Saúde Mental Adaoemam A Mariña onde recolleu uns detalliños para cada pequeno/a que fixeron con todo o cariño, como sempre.
A temática elixida para este 2025 son paisaxes do municipio pouco coñecidos. Panorámicas singulares ou recunchos de gran beleza pertencentes ás oito parroquias de Xove, que son pouco coñecidas polo público en xeral, e mesmo, en moitas ocasións, tamén pola propia veciñanza. O almanaque complétase cunha felicitación de nadal do alcalde e da corporación municipal do Concello de Xove, ademais dunha ampla listaxe con teléfonos de servizos de interese para a poboación.
Alfonso Villares expresou a súa repulsa ao tráxico suceso de violencia machista producido este mércores neste municipio.
O secretario xeral da Lingua, Valentín García, participou este xoves no cemiterio vello de Mondoñedo na ofrenda floral no panteón de Pascual Veiga, no marco dos actos conmemorativos do Himno galego.
A institución provincial colabora con este evento único, no que se inclúe un primeiro pase ás 18:00 horas e un segundo ás 20:00 horas, cunha achega económica de 3.500€.
