Burela, 4 de setembro de 2020. O vindeiro martes, 8 de setembro, haberá un pleno extraordinario do Concello de Burela, no que se someterá a aprobación unha modificación de crédito destinada á reconstrución dunha grada no campo de herba natural da Marosa e ao arranxo dun perímetro de valado que hai no de herba artificial. O alcalde, Alfredo Llano, dixo que se trata dunhas obras moi demandadas.
O rexedor contou que “o próximo martes imos facer un pleno extraordinario basicamente para dous asuntos a tratar. Un deles é unha modificación de crédito para poder realizar dúas obras moi importantes, moi necesarias e moi urxentes no campo de fútbol de herba natural da Marosa. Hai que facer practicamente a reconstrución dunha grada, que está moi deteriorada polo tempo que xa leva construída e pola proximidade do mar que ocasiona un problema de oxidación e está realmente afectada esa grada e polo tanto hai que facer unha reconstrución case total. Por outro lado, tamén derivado do mesmo problema de oxidación, un perímetro de valado que hai no campo de herba artificial e que está moi deteriorado vaise substituír. Para estas obras, polo seu carácter urxente para que non se deterioren máis e para ter seguridade nas instalacións deportivas, faise unha modificación de crédito e parte dos cartos van saír da liquidación positiva do ano pasado, do superávit, e outra parte da remanente que temos tamén neste Concello”.
Alfredo Llano explicou que “estas dúas obras no seu conxunto ascenden 281.500 euros practicamente, dos cales 242.500 van ser para amañar a grada do campo de fútbol e os outros 39.000 practicamente para cambiar o valado do perímetro campo de fútbol de herba artificial”.
O alcalde subliñou que “isto é algo moi solicitado pola xente que vai alí adestrar e vendo os partidos de fútbol, pero ademais temos documentado con informes técnicos que a necesidade é urxente. Por esa razón fixemos esta modificación de crédito, que está completamente xustificada. E, por outro lado, tamén vamos levar ao pleno unha cuestión relativa á Conta Xeral. Imos iniciar os trámites que marca a normativa para posteriormente aprobar esta Conta Xeral nun pleno máis adiante”.
Este pleno extraordinario vaise celebrar telematicamente o próximo martes, día 8 de setembro, ás 20:00 horas.
Axudas negocios
Por outra banda, Alfredo Llano tamén falou das axudas establecidas para os negocios afectados polo peche ocasionado polo covid-19: “hoxe estamos a 4 de setembro e tendo comezado practicamente o día 1 o prazo de solicitude de axudas derivadas do Covid-19 temos 45 peticións xa cursadas. Hai prazo ata o 17 deste mes e por tanto aquelas persoas, entidades ou autónomos que queiran solicitalas aínda están a tempo”.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
