Madrid, 9 de setembro de 2020. O portavoz do BNG no Congreso, Néstor Rego, defendeu unha moción con medidas para atallar a crise industrial na Galiza. O deputado nacionalista explicou que a crise industrial na Galiza non é conxuntural nin tampouco consecuencia da emerxencia sanitaria xerada pola COVID19. “É unha crise profunda e duradeira que deriva da situación de dependencia política do noso país, Galiza” salientou, facendo fincapé no espolio que padece o país, especialmente no referente ao sector enerxético, e de políticas desacertadas e lesivas -por acción ou por omisión- dos gobernos español e galego.
O último e máis coñecido episodio na crise industrial galega é o anunciado peche da planta de aluminio de Alcoa en San Cibrao, “agora reconvertido, grazas á mobilización dos traballadores e traballadoras e á presión política e sindical, nun proceso de negociación para a venda da planta” apuntou Néstor Rego e lembrou que, ten data de caducidade, o 28 de setembro, exactamente dentro de 20 días.
O BNG considera que a resposta das administracións galegas foi lenta e morna até que as masivas mobilizacións populares na Mariña e a inminencia do desenlace obrigáronas a reaccionar. O BNG lembra que para evitar a catástrofe económica e social que tería en toda a comarca este peche, se a negociación con Liberty House fracasa, o Goberno español deberá estar disposto á intervención pública para a nacionalización da factoría, asegurando así os postos de traballo e o futuro económico do principal motor da Mariña. Néstor Rego volveu recalcar que “nin o marco normativo galego, nin o do Estado, nin o da Unión Europea impiden a nacionalización de Alcoa, polo tanto, esta solución só necesita da vontade política das Administracións públicas”, solución que permitiría preservar o emprego e salvar unha comarca enteira.
Os nacionalistas ven necesario que esta alternativa sexa contemplada tamén para a antiga Alcoa A Coruña, hoxe AluIbérica, para asegurar o seu futuro se os inversores privados non garanten a continuidade da actividade.
O BNG espera que o Goberno e todas as forzas políticas presentes no Congreso, se sumen ao compromiso de pór todos os medios para salvar a planta de aluminio de San Cibrao, incluída a intervención pública se fose necesaria. “É o que espera o BNG, mais sobre todo, é o que esperan os traballadores e traballadoras e toda a poboación da Mariña” subliñou Néstor Rego.
Outros sectores industriais galegos en crise
O deputado nacionalista durante a súa intervención na moción criticou como os distintos gobernos españois -e tamén o galego de Núñez Feixoo- asistiron impasíbeis nos últimos anos a distintos capítulos desta desoladora historia, provocando coa súa inacción e permisividade fronte aos grandes grupos de poder económico -especialmente no sector enerxético- que agravou unha crise industrial que vai desde Ferroatlántica na Costa da Morte, até os estaleiros de Barreras e Vulcano en Vigo, pasando polas térmicas das Pontes e Meirama, Isowat e a antiga factoría de Alcoa (Alu-Ibérica) na Coruña.
“É necesario pór en marcha solucións que dean estabilidade ao sector e ao conxunto da nosa industria, por iso defendemos, en primeiro lugar, estabelecer unha Tarifa Eléctrica Galega que permita rebaixar o custo da enerxía no noso País tendo en conta que Galiza é produtora excedentaria, que pagou e paga os gravosos custos sociais e ambientais, mais non se beneficia desa condición de país produtor” explicou.
O BNG lembra que o Goberno español debe cumprir xa o seu compromiso -reiteradamente demorado- de aprobar un Estatuto do Consumidor electrointensivo que realmente supoña unha solución para o sector, é dicir, que garanta un prezo estábel, predicíbel e asumíbel.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
