Lugo, 2 de setembro de 2020. A área sanitaria de Lugo, A Mariña e Monforte de Lemos, en colaboración coa xefatura territorial de Educación da Xunta de Galicia, comenzou a realizar xa o cribado masivo, mediante test rápidos de anticorpos de dobre banda, de todo o persoal docente e demais profesionais dos distintos centros educativos da provincia, co obxectivo de determinar as posibles infeccións por COVID-19 antes de dar comenzo o próximo curso escolar, de xeito que este se inicie de forma segura, tanto para o alumnado como para os propios profesionais.
Os test comenzaron a realizarse o pasado luns, día 31 de agosto, nos distintos centros de saúde da provincia de Lugo asignados a cada un dos centros educativos da provincia, así como no Hospital Universitario Lucus Augusti, de xeito que se facilita a realización destas probas no lugar máis próximo a cada un dos centros de ensino. A maioría das probas, aproximadamente un 90%, realizaranse nos centros de saúde de referencia asignado a cada centro educativo, e o HULA asumirá aproximadamente outro 10% das probas que está previsto realizar.
Durante o tempo que dure o proceso de toma e análise das mostras pasarán máis de 4.000 mestres e e outros profesionais dos centros educativos da provincia polos puntos de cribado habilitados en cada centro sanitario para someterse a estas probas de scrinning dos traballadores dos centros educativos. Este cribado masivo inclúe tanto a profesionais de escolas infantís, centros de Ensino Primario, Ensino Secundario e Bacharelato, como a centros concertados de toda a provincia de Lugo.
Ás persoas ás que se lles vai a realizar esta proba, o Sergas facilítalles unha cita a través de teléfono ou SMS, na que se lles indica o lugar, día e hora no que se lles realizará a toma da mostra. A área sanitaria de Lugo, A Mariña e Monforte ten previsto ter cribado a estes profesionais nos próximos quince días, aínda que as correspondentes aos profesionais de escolas infantís e ensino primario está previsto que estean rematadas antes do día 9.
A extracción consiste nun proceso sinxelo que se realiza mediante “punción capilar” no que se extrae unha pinga de sangue do dedo e o resultado da mostra pódese coñecer en poucos minutos. Se o resultado da proba fose positivo, o Sergas activaría o protocolo establecido, e realizará outras probas diagnósticas complementarias.
Os test de dobre banda permiten detectar posibles positivos, pero tamén coñecer cales son os positivos activos e cales son os que están inmunizados. Estas probas serven para aumentar a cantidade de casos detectados, mesmo asintomáticos, e aumentar o abano de diagnóstico, polo que teñen unha gran utilidade, xa que permiten diferenciar entre infección aguda, máis avanzada ou curada.
Este tipo de proba diagnóstica foi a realizada no seu momento para o cribado do persoal sanitario, dos corpos e forzas de seguridade e tamén ao persoal de servizos esenciais tales bombeiros, protección civil, técnicos de transporte sanitario e persoal do 061, entre outros.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
