Foz, 19 de agosto de 2020. O secretario general de Infraestructuras, do Ministerio de Transportes, Movilidad y Agenda Urbana (MITMA) do Goberno de España, Sergio Vázquez Torrón, visitou Foz e percorreu o concello xunto ao alcalde, Fran Cajoto, e ao concelleiro de Relacións Institucionais, Carlos García, revisando proxectos pendentes e propostas do executivo local. Sergio Vázquez coñeceu sobre o terreo a iniciativa de dotar ao municipio dunha terceira entrada, unha nova avenida que prevé conectar a estrada N-642 co barrio de Marzán e, a través da Rúa do Cemiterio, co centro da localidade.
Esta actuación é cualificada polo executivo focense como “a infraestrutura fundamental que permitirá liberar presión do vehículo privado no casco urbano apostando, agora así, por medidas de humanización razoables para o municipio”.
O alcalde explica: “apostamos por un Foz planificado, de futuro, traballando de forma seria e responsable. A casa comézase polos cimentos, non polo tellado, e este ano dispuxemos o financiamento para a elaboración do Plan de Mobilidade Urbana Sostible dentro dos fondos que aporta a Deputación. Calquera actuación nunha rúa de Foz afecta ao conxunto do casco urbano: o obxectivo é conseguir unha vila máis amable co peón e coa bicicleta, un pobo que sexa aínda máis atractivo para vivir”.
Ademais desta proposta na visita do secretario general de Infraestructuras do Ministerio de Transportes “tratouse o estado do proxecto das rotondas de Cangas e a necesidade dunha actuación no cruce da Corredoira. É unha preocupación constante a seguridade vial e sabemos da problemática que teñen estes cruces para todas as veciñas e veciños”, engadiu Fran Cajoto.
E o concelleiro Carlos García comentou que “a visita do secretario general de Infraestructuras e o seu interese por unha serie de pequenas actuacións que queremos impulsar dende Foz é de sincero agradecemento. Vamos seguir tecendo lazos coas administracións para impulsar o potencial do noso municipio. Os cidadáns demandan traballo e sentido común, levamos tatuada a mensaxe dende o primeiro día”.
O secretario general de Infraestructuras do goberno de españa visitou foz e coñeceu a iniciativa para facer unha nova entrada á vila desde a N-642
Relacionado
-
A Deputación aproba acordos e contratacións para ofrecer máis e mellores servizos á veciñanza cun investimento de case 2M€
-
María José Gómez define os gandeiros como “garantes dunha parte moi importante da identidade de Galicia”
-
O PP pedirá o apoio na Deputación para esixir ao Goberno central a convocatoria da mesa de Alcoa e medidas de apoio para garantir a viabilidade da planta da Mariña
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
