En concreto, a brigada de obras municipal efectuou labores de desbroce e limpeza no tramo que vai de Xunqueira a Portochao, humanizando desta maneira unha zona moi utilizada durante o verán.
Tras o confinamento, o estado de alarma e o rebrote, unha situación que obrigou a paralizar ou demorar moitos traballos, o concello leva semanas con tarefas de mantemento dos espazos públicos e as infraestruturas, tanto no casco urbano como nas parroquias.
Ademais destas tarefas de desbroce, realizáronse numerosas actuacións de bacheo, repintado de camños o instalación de nova sinalética, todas elas accións destinadas a mellorar a vida diaria dos veciños e veciñas de Viveiro.