Viveiro, 29 de agosto de 2020. No pleno celebrado o 4 de agosto de 2020 aprobouse de maneira provisional a Ordenanza Municipal Reguladora da Convivencia, Limpeza e Residuos cos votos a favor dos concelleiros do grupo municipal do PSOE e coa abstención dos demais concelleiros da corporación.
Con esta ordenanza, elaborada pola Técnica de Medio Ambiente, preténdese protexer o medio ambiente e a calidade de vida dos cidadáns, defendendo o dereito de todos e todas a desfrutar dun medio ambiente adecuado pero, tamén, o deber que todos temos de conservalo.
Tomando como referencia as ordenanzas aprobadas noutros municipios, nesta ordenanza regúlanse cuestións como a limpeza pública froito do uso común xeral dos cidadáns, as distintas actividades susceptibles de ensuciar as vías públicas, a limpeza de terreos, espazos e inmobles de propiedade privada ou a recollida de todo tipo de residuos. Trátase dun texto completo co que se pretende poñer solución a moitos dos problemas que veñen sufrindo os veciños e veciñas de Viveiro. Con respecto á alimentación na vía pública a animais sen dono coñecido, estanse buscando alternativas atendendo á protección os animais.
Tras a súa aprobación provisional, a ordenanza atópase no período de información pública; o anuncio correspondente foi publicado no BOP de Lugo o 19 de agosto, concedéndose un prazo de trinta días hábiles para a presentación de reclamacións ou suxerencias.
O borrador desta ordenanza foi remitido os voceiros dos grupos municipais en novembro de 2019, polo que non se entende que o Partido Popular expoña a súa discrepancia con este documento agora, dez meses despois e unha vez que foi sometido ao pleno, e non fixera ni unha soa proposta nas reunións ou comisións celebradas ata esta data. Da a sensación de que o obxectivo do grupo popular non é facer aportacións proactivas para mellorar conxuntamente esta Ordenanza Municipal Reguladora da Convivencia, Limpeza e Residuos, senón poñer paos nas rodas da gobernanza de Viveiro.
Tampouco é entendible que o PP se abstivera durante a votación deste texto no pleno correspondente e que agora pretenda invalidar o documento. Se os populares consideran que o documento desta ordenanza ao completo non é válido, debían ter usado no pleno un mecanismo tan lexítimo como calquera outro, qué é votar en contra. Por iso, desde o goberno local consideramos que a actitude do Partido Popular está a ser ilóxica, irresponsable e enfocada en que esta ordenanza non saía adiante.
En todo caso, neste momento, atopámonos no trámite de exposición pública e calquera persoa interesada pode presentar, no prazo establecido, as reclamacións ou suxerencias que se consideren oportunas. Para iso está a exposición ao público, para que todos os veciños e veciñas opinen e o Concello poida escoitar e recoller, de ser o caso, as súas propostas.
Por outra banda, dende o goberno municipal quérese deixar claro o seu profundo respecto aos acordos adoptados nas sesións plenarias. As mocións, que son compromisos políticos, vanse tramitando segundo é posible. Dende o inicio deste mandato pasou un ano do que levamos cinco meses sufrindo unha pandemia; neste tempo algunhas mocións sacáronse adiante e hai outras que non se poden tramitar de forma inmediata porque requiren dun tempo.
Quérese lembrar que neste mandato estamos facendo máis comisións informativas que nunca (aínda que nalgúns casos os asuntos tardan en saír a adiante por prevalecer o interese político dalgún e dalgunha), máis plenos dos que corresponde por lei, nas mesas de contratación están todos os voceiros e estanse a compartir todos os expedientes nos que se tramitan asuntos de importancia. Durante os primeiros meses do estado de alarma, os voceiros foron convocados semalmente para ofrecerlles información das xestións realizadas e da evolución da situación. Cremos, en definitiva, que hai total transparencia e que os concelleiros poden facer un seguimento dos asuntos que queiran.
Fronte a isto atopámonos coa ansia do PP por desprestixiar ao equipo de goberno, que o levou a denunciar a falta de limpeza dun cruceiro nunha zona privada, debendo dicir que os dous concelleiros que realizaron estas críticas se dirixiron á alcaldesa para pedir desculpas. Igual que a concelleira do BNG que, dende o minuto un nesta corporación, se propuxo desprestixiar á alcaldesa e ao equipo de goberno, cunha actitude moi pouco humilde na que moitas veces parece que en vez de consensuar quere impoñer.
Non é verdade que as mocións non se tramiten e, exemplo disto, son as xestións realizadas polo concello coa AXI para instalar un paso de peóns en Cantarrana, onde tamén se van a poñer aparcamentos en batería para saír de fronte.
Estanse tramitando os acordos, outra cousa é que non se queira ver asumir a realidade. Tamén hai que ter en conta que hai mocións, como a presentada polo PP, na que se pretende que se pida a Portos de Galicia a cesión do muelle no estado no que se atopa, causando graves prexuízos ao Concello ao ter que asumir o custe das obras que ese espazo precisa.
Cómpre aclarar tamén que dende o departamento de Secretaría se remiten directamente as mocións nas que se adoptan acordos instando a outras administracións ou entidades e que as mocións nas que se aproban compromisos para facer algo (convocar comisións, etc) se tramitan segundo vai sendo posible, atendendo á vida municipal e sen deixar de atender o día a día da actuación obrigatoria administrativa, dándolle sempre prioridade á prestación dos servizos públicos á cidadanía, que é a finalidade da administración pública.
En definitiva, este equipo de goberno cumple sempre que é posible os acordos que se poidan acadar na parte declarativa dos plenos con mocións da oposición, pero dándolle sempre prioridade á prestación de servizos aos veciños e veciñas de Viveiro que é a finalidade das competencias municipais.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
