Ribadeo, 27 de agosto de 2020. O alumnado do obradoiro de emprego Ribadeo alén do Camiño realizará unha campaña de promoción do itinerario xacobeo desde agora e ata o vindeiro 15 de outubro. A devandita campaña inclúe visitas guiadas ao Santuario das Virtudes, á igrexa de San Xoán de Ove e ás capelas de San Roque e da Atalaia. O concelleiro de Economía, Desenvolvemento Local e Turismo e alcalde en funcións, Pablo Vizoso, visitou ás alumnas da especialidade formativa de Promoción Turística Local e Información ao Visitante, que se está a impartir nese obradoiro dual de emprego, promovido polo Concello de Ribadeo.
Vizoso Galdo explicou que “o obradoiro de emprego, que reiniciou as súas actividades o pasado día 1 de xullo despois de estar suspendido dende o 16 de marzo por mor da situación excepcional creada pola evolución da epidemia de COVID-19, ten entre os seus obxectivos desenvolver actuacións para dar a coñecer a riqueza do patrimonio cultural vinculado ao tramo ribadense do Camiño do Norte”
O edil ribadense dixo que “nesta liña, durante este mes de agosto e ata o vindeiro 15 de outubro os alumnos/as do obradoiro de emprego organizaron unha campaña de promoción do itinerario xacobeo, que inclúe visitas guiadas ao Santuario de Nosa Señora das Virtudes, no barrio da Ponte, na parroquia de Arante. Como sabedes trátase dun templo do século XIV considerado unha das grandes xoias do patrimonio histórico, artístico e espiritual ribadense, e que conserva un rico patrimonio en pinturas murais tardomedievais. Pódese visitar todos os días en horario de 11 a 13 horas”.
O tamén alcalde en funcións manifestou que “co gallo de dinamizar as potencialidades dos recursos patrimoniais do noso concello, os alumnos da especialidade de Promoción Turística Local e Información ao Visitante desenvolven tamén dende este mes a ruta Ribadeo. A pegada relixiosa. A través da mesma os visitantes poderán coñecer a gran importancia histórica da vila, que mesmo chegaría a ser por un breve período de tempo sé eclesiástica (finais do s. XII principios do XIII), e a relevancia de Ribadeo dentro do percorrido do Camiño do Norte cara a Compostela. Dentro desta actuación desenvólvense visitas guiadas por algunhas das capelas e igrexas máis senlleiras, como poden ser a capela da Atalaia, a capela de San Roque ou a igrexa parroquial de San Xoán de Ove, elemento este último de gran importancia no referente á atención hospitalaria prestada no contexto da peregrinación a Compostela”.
Pablo Vizoso engadiu que “os horarios de visita a estes centros relixiosos son:
Na igrexa parroquial de San Xoán de Ove os luns de 11 a 13:30 horas. Na capela de San Roque os martes e mércores de 11 a 13:30 horas. E na capela da Atalaia os xoves e venres de 11 a 13:30 horas”.
O obradoiro dual de emprego Ribadeo alén do Camiño é un programa de formación e emprego promovido polo Concello de Ribadeo cunha subvención da Consellería de Economía, Emprego e Industria. Estanse a impartir dúas especialidades formativas: Promoción Turística Local e Información ao Visitante e Confección e Publicación de Páxinas Web, cada unha con 10 alumnos/as participantes. Entre as principais actividades a desenvolver destaca o deseño dunha páxina web que recolla toda a información relativa ao tramo ribadense do Camiño Norte de Santiago que poida ser relevante para o usuario, especialmente ao peregrino; así como a realización dunha serie de roteiros virtuais polo patrimonio histórico da vila ou o deseño de novo material turístico e de promoción que contribúa a unha mellor divulgación e difusión dos recursos patrimoniais, culturais e naturais existentes.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
