Lugo, 29 de agosto de 2020. A Deputación de Lugo blinda a súa rede de centros de maiores por prevención ante os diferentes rebrotes da Covid-19 xurdidos na provincia. Esta blindaxe fíxose efectiva onte venres e contempla a suspensión tanto das visitas como das saídas nos centros de atención a maiores de titularidade provincial de Ribadeo, Trabada, Pol e A Fonsagrada.
O Presidente da Deputación, José Tomé Roca, adianta que a decisión adóptase logo dunha reunión da Comisión de Seguimento das Residencias provinciais onde se valorou o novo escenario xurdido na provincia cos rebrotes activos de coronavirus Covid-19. “Seguimos coa nosa política de anticipación e cremos que debe primar a prudencia sempre que estea ao noso alcance, por iso tomamos esta decisión para minimizar o risco de contaxio e protexer aos nosos maiores”, explica. Ademais, o mandatario provincial lembra que xa “dende antes da declaración do Estado de Alarma dende a Deputación primamos o adianto na toma de decisións en materia de prevención nos centros de maiores e agora estamos actuando da mesma maneira xa que a día de hoxe Sanidade non nos ordenou realizar un peche dos centros, senón que é unha decisión propia que consideramos moi necesaria para previr calquera contaxio”.
Tomé Roca pide comprensión ante esta medida aos usuarios e usuarias e ás familias destes catro centros e informa de que se lles notificou de maneira persoal esta decisión. “Sabemos que non é unha situación doada, pero hai que ser conscientes de que a mellor pauta que se pode seguir para facerlle fronte ao virus é a distancia social, non podemos poñer en risco aos nosos maiores e é preferible prohibir e limitar o acceso agora que máis tarde ter que lamentar consecuencias maiores”, indica. O Presidente engade que é “fundamental protexer aos usuarios e usuarias das residencias, xa que son as máis vulnerables xunto ás que padecen patoloxías previas”.
Ata o momento, a institución provincial viña desenvolvendo protocolos moi rigorosos durante as visitas que proviñan do exterior con medidas como a toma de temperatura, uso de luvas, desinfección de calzado ou, entre outras, manter un correcto distanciamento social. Pero ante o novo escenario xurdido, a institución considera que é imprescindible extremar aínda máis as precaucións. Por iso, reforzaranse as videochamadas e as chamadas e tamén se están valorando novas fórmulas de encontro para que manteñan un contacto constante cos seus seres queridos.
Pola súa banda, o Presidente incide en que cada centro irá evolucionando segundo as circunstancias sanitarias da zona na que se atopa ubicado, respectando en todo momento as decisións adoptadas polas autoridades sanitarias. “Estamos mantendo contactos de maneira diaria con Sanidade para aplicar os protocolos axeitados e así o seguiremos facendo”, sostén.
Solicitude de test nos centros
O Presidente pídelle á Xunta que realice test de detección do coronavirus Covid-19 tanto ás persoas residentes coma aos traballadores que prestan os seus servizos nos centros da Deputación. “Cremos importante que se realicen probas masivas nas residencias para descartar posibles positivos asintomáticos, xa que as persoas que traballan nos centros teñen que saír e entrar para desenvolver a súa vida privada, feito que nos impide ter un risco cero de contaxio”.
A Deputación continúa aplicando nas residencias e no conxunto de edificios da súa titularidade un reforzo engadido do servizo de limpeza, prestando especial atención ás zonas de acceso e saída dos sectores de illamento, escaleiras, portas, ascensores, zonas de deambulación, entre outras, para reducir o risco de transmisión do coronavirus. Así mesmo, o Consorcio Provincial de Bombeiros realiza desinfeccións integrais nos centros de maiores provinciais.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
