Lugo, 27 de agosto de 2020. O Presidente da Deputación de Lugo, José Tomé Roca, asinou este xoves un convenio de colaboración co presidente da Federación de Asociacións de Veciños de Lugo Lucus Augusti, Jesús Vázquez, para continuar apoiando ao colectivo no seu funcionamento e nas actividades e programas que desenvolve ao longo do ano con 40.000€.
“A Deputación con este convenio fai un importante esforzo económico para apoiar o labor da Federación porque cremos que o movemento asociativo en xeral é un piar fundamental da democracia e o seu papel resulta esencial para que a sociedade prospere de maneira xusta”, explicou Tomé Roca. Actualmente, a Federación de Asociacións de Veciños de Lugo representa a máis de 20.000 socios agrupados en case 300 asociacións de veciños federadas de toda a provincia.
O mandatario provincial tamén subliñou que as asociacións de veciños “son un activo que está sempre no terreo, articulando e facéndonos chegar aos representantes públicos as demandas e as propostas que son necesarias para mellorar a vida da cidadanía”. Por esa razón, manifestou que a Deputación de Lugo “mantén unha relación próxima e fluída coa Federación porque, traballando xuntos, institucións e cidadanía, é a mellor forma de conseguir resultados”.
Tomé Roca puxo exemplos de colaboración entre ambas entidades, como as reivindicacións tanto en materia sanitaria, sobre todo dos servizos de Hemodinámica 24 horas, Medicina Nuclear e Radioterapia para o HULA, como de servizos para o rural, de servizos ferroviarios ou mesmo na creación dunha Autoridade Portuaria propia para a provincia, entre moitas cuestións relevantes para o futuro da provincia.
O convenio servirá para axudar ao pagamento de gastos de mantemento do local social, do persoal e de actividades medioambientais, promoción de produtos, organización de xornadas sobre temáticas de interese para a poboación da provincia e, entre outros aspectos, campañas de promoción do comercio local.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
