Ribadeo, 11 de agosto de 2020. O concelleiro de Medio Ambiente, Jorge Díaz Freije, pide civismo e colaboración á cidadanía co fin de evitar danos coma os ocasionados esta pasada fin de semana na área recreativa do Cargadoiro, onde foron rotas papeleiras e tamén dispensadores de xel hidroalcohólico. Ademais apareceu moito lixo esparexido pola zona. O edil ribadense fai tamén unha chamada aos hostaleiros para que non saquen o lixo a media mañá e lémbralles que o vidro debe depositarse a granel e sen líquido nos contedores habilitados para este fin e nos horarios establecidos.
Díaz Freije dixo que “nestes días que estamos a vivir en Ribadeo, que hai moita afluencia de xente afortunadamente, esperemos que siga así, que todo siga ben con saúde e moderación, veño pedir un pouco de civismo e colaboración da cidadanía por varias cuestións. Este fin de semana pasada houbo desperfectos na área do Cargadoiro. Rompéronse papeleiras e dosificadores, entón chamo á cidadanía a que colabore o máximo posible. Tamén apareceu moito lixo tirado nesa zona. Temos papeleiras, contedores e todo tipo de mobiliario para depositar os residuos e non deixar todo ciscado, como foi neste caso no Cargadoiro”.
O concelleiro de Medio Ambiente manifestou: “tamén quero dirixirme e insistir neste caso coa hostalería e co horario de tirar o lixo. Non se pode tirar ás doce da mañá, como estou vendo que algún local está a facer. O lixo no verán hai que sacalo pola noite, para evitar cheiros innecesarios nas rúas de Ribadeo. Con respecto ao vidro recordar que hai que deposítalo a granel coas botellas baleiras e durante o horario estipulado para iso”.
O edil nacionalista engadiu que “no tema do cartón puntualizar tamén que temos un servizo porta a porta e se é necesario que o utilicen hai o teléfono 661 210 100, que está na páxina web do Concello, poden solicitalo e a empresa irá os martes ou os xoves pola tarde. Terían que deixar o cartón ben pregadiño e xa o recollerían. Digo isto porque están aparecendo contedores ateigados de cartón, que é ou ben de comercios ou de hostalería e os contedores están enfocados para o particular. Así que o servizo recollida porta a porta é o que deben empregar os negocios de Ribadeo, é gratuíto e quero lembrar que está a disposición dos establecementos”.
Jorge Díaz Freije recalcou: “pedimos a máxima colaboración a toda a cidadanía nestes días nos que somos máis, e benvidos cada vez máis. Aos que estamos e aos que veñen lles pido que colaboren o máximo posible, que é como se chega a bo fin”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
