Santiago de Compostela, 29 de xullo 2020. O conselleiro de Sanidade, Jesús Vázquez Almuiña, anunciou está mañá en rolda de prensa, logo da reunión co Cómite clínico de expertos que se encarga de revisar a situación epidemiolóxica da Mariña, que desde esta medianoite as restricións de aforo e horario de apertura comercial dos concellos do distrito lucense, equipararanse aos do resto de Galicia, após de tres días sen rexistrarse novos casos.
Acompañado polo xerente do Sergas, Antonio Fernández-Campa, e polo director xeral de Saúde Pública, Andres Paz-Ares, o responsable da carteira sanitaria da Xunta comezou a súa intervención explicando que desde as 12:00 horas desta noite restablecerase na totalidade do concellos mariñáns o número de persoas que poden viaxar de maneira conxunta, tanto no transporte público como no privado.
Dentro das modificacións que entrarán en vigor esta medianoite, Almuiña tamén apuntou que se amplían os aforos dos locais comerciais e de hostalería, nas mesmas franxas vixentes para o resto de Galicia; así como que tamén se ampliarán os horarios de apertura comercial, ben sexa de acordo a normativa xeral da comunidade galega, ou segundo o definido polas diferentes ordenanzas municipais que regulan este ámbito.
Continúa o peche do ocio nocturno e reunións limitadas a un máximo de 10 persoas
Por outra banda, Almuiña indicou que o ocio nocturno non poderá abrir todavía as súas portas, cando menos até a semana que vén, cando se volte revisar a situación epidemiolóxica nos catorce municipios.
Nesta mesma liña, o conselleiro lembrou que as reunións de persoas que se produzan nestes concellos continuarán a estar limitadas a un máximo de 10 persoas.
O conselleiro remarcou a necesidade do emprego da máscara en todo momento, tanto en espazos abertos como en espazos pechados, poñendo especial énfase no seu uso nos locais de hosteleria, onde é obrigatoria en todo momento, agás no intre específico consumir.
O titular de Sanidade subliñou que non se pode baixar a garda e que é preciso seguir a cumprir dun xeito estrito as medidas hixiénico-sanitarias establecidas desde o inicio da pandemia da covid.
Pola súa banda, o xerente do Sergas, Antonio Fernández-Campa, rapasou os últimos datos rexistrados na Mariña, sinalando que até o de agora lévanse realizadas 4.708 probas PCR, das que 73 se realizaron na xornada de onte. Ademais, sinalou que o número de casos activos na Mariña neste momento é de 44, 3 menos que no día de onte.
Finalmnete, o consellerio tivo palabras de agradecemento para o conxunto de concellos e institucións da Mariña polo seu labor nas tarefas xestión, coordinación e limpeza de cada un dos catorce municipios. Así, Almuiña tamén agradeceu a colaboración e o nivel de responsabilidade amosado por parte de toda a súa poboación.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
