Lugo, 9 de xullo, 2020. O grupo provincial do PP, que ten por portavoz a Javier Castiñeira, expresa o seu “máis contundente rexeitamento á inxustificable política do medo que están aplicando socialistas e nacionalistas con respecto as eleccións do próximo domingo a conta do rebrote, xa baixo control, dos contaxios por covid-19 na Mariña”. Castiñeira di que PSOE e BNG pretenden utilizar politicamente, con fins claramente electorais, un problema que “non se pode politizar”.
Castiñeira sinala: “En representación de centos de concelleiros desta provincia e dos 30 alcaldes populares de Lugo, lamentamos de verdade o uso partidista e político das institucións que están facendo o Partido Socialista e o BNG en conxunto; un comportamento que creo que obedece a unha dinámica proposta por Caballero e por Pontón”.
Para o portavoz popular, un claro exemplo do que di “é o señor Cajoto, alcalde socialista de Foz e presidente da mancomunidade (tamén outros alcaldes de PSOE e Bloque) que está pedindo que non se vote na Mariña; di falsamente que non se dan as condicións, pero non parece que lle importe que no seu concello se poida ir a tomar unha cervexa a un bar cumprindo os requisitos, ao supermercado ou facer calquera outra actividade cotiá que posiblemente teña máis risco que ir votar o domingo, porque é un acto que está altamente protocolizado, para velar pola seguridade dos que votan e dos que teñen que controlar a votación”.
Como exemplo da mesma dinámica impulsada por socialistas e nacionalistas, Castiñeira cita “ao señor Iago Villamil, concelleiro do BNG en Foz, que fala como médico do Hospital da Costa, de cousas internas, que entendemos que se deben solucionar cos protocolos internos do Hospital; o resto é propaganda política”. Tamén di o portavoz popular: “Se actúa como voceiro do BNG no Hospital, o señor Villamil debe dicilo claramente; e se actúa como médico, faga o que ten que facer, e déixese de demagoxia, da política do medo e prime a liberdade e que a xente vai a votar en absoluta liberdade e coa seguridade de que o vai poder facer da forma máis segura”.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
